सोर सोरनि खाफालाव मादि लिरनाय दंथाय
R
Ronjoy Brahma
0
Altın Yaprak
देहायाव गोहो बोलो थासानदिल'सो थिफुद्ला
माब्लानि समावदि गोमालांगोन बे गोहो
सोर मिथिनो बेनि बराद
गोबां मोस्रोम गाथारबाय आं
सोङोब्ला बेनि हिसाब बेसेथो होबावनो
सोर सोरनि खाफालाव मादि लिरनाय दंथाय
आंबोथ' बुंनो हाया
नोंमालाय आंनो मा बुंनो हानो
बेखौ मिथिगौ आंबो
दिनैसो जादों लोंदों बेसेबांबा रंजादों गेलेदों
सानसे आंबो जागोन मोस्रोमनिनो खाजा
बेनि थाखाय दुखुबो खालामाखै आं
रजे! आं नोंखौ मोजां मोनदों
ओरैबादि मोजां मोननानै हास्थायनायखौ लादों
गासै मुलुगानो थाथों -
खालि नोंखौल' नांथारगौ
मानोना नोंनो- नोंनो गासैबो आंनि
नाथाय नोंखौबा आंनि थाखाय गसाइया लिरना हरदोंना हराखै
एबा नोंबा आंखौ हास्थायोना हास्थाया
नोंबा सोरखौ बेसेबां हास्थाय खोमायो
बेखौबो मिथिया जाबाय आं जेबो
थेवबो मोननो हास्थायो आं नोंखौ बेसेबां हर सान
नांगौबा दैयावनो थांथों
Bu şiiri puanla
Henüz puan verilmemiş