सोरगिदिं फागुन

आंनि गोसोखौ अनजालिनि बिखा सेराव बोलांना गुस्थिखौ बाथ्रा बुंरोङै बबा खालामनानै आथिंनि हाखौ नोङो दहमै नागोबोर होना आंखौ जोमैआव दा फोजावहर फागुन आंनि जुलिया बि रजेजों जायाब्ला नों आंनि गोसोखौ गोसोथोनो दाफोरों इस इस माबादि होनबा नोंनि आखला सिबथिं-सिबथा साफ्रे-सुफ्रे फिउ....... दासान्दि सिमांआनो सिमां बायरोजा बायजाबथु खान्थाल फिथाइ एबा लेरख' फिथाइबादि बेजाय दिगदार गान्दुआदि आंनि खर'खौ बेसे मोजां मोनो आंखौ गोबानानै लाग्रा हिमाआ बेसेबांदि बाग्रायना लायो आंनि गोसोनि सान स्रिफोरा गोरलै गथ' बिमाजों बामजानाय गथ'बादि बामजायो बियो खोमसिनि हाथर्खिनि मेगनफोरबादि फ्लिं-फ्लां नोंखौ नायहरो आं बेथिं-बिथिं-ज्लिउ ज्लिउ नों आंनि लोगो जायखौ आं मोजां मोनो जाहारनि अमाया हा उरलुनानै थारुन नागिरनायबादि नोंनि मोखांखौ नायगिरो आं खेबसे नायनो थामजारनि ग्लब ग्लब गोदौनायबादि बिखाव सोदोब होनानै दखना गोमोजों लाइमोननि महर मोननाय सिख्लाबादि गोनांआ दैखांनानै लायोब्ला जेरबायाव गैजारोङैखौ समायना हानि दैहुखौ बाखोनायनो लुबैया आं सिनायनो हाया नोंनि गोसोनि सावगारिखौ सोर बि सोर जाखोथाय....... आंनि गोसोआव आंनि सानस्रिनि बेगें हारा बेसेबांदि थैयो सान-हर गोजोननाइ गैयै