सोरखौ नागिरनानै नुजाफैखो दिनै
R
0
Altın Yaprak
सोरखौ नागिरनानै नुजाफैखो दिनै
सोरगिदिं होंगो-दोंगो नैबे सायना सालियाव
मिथिया आंनो हमदांसनो हाया जाबाय
बुं लोगो मानि भावथिना दिन्थिनो नुजाफैदों आं
मेगन मोदै बोहैलु रंजानायजों सानफोरादि थांदों
सेरफाखायना सोरखौ आरो नागिरदों
मिथिया लोगो सोरखौ सिरि सिरि नागिरदों
बे मुलुगनि समायना सोरबा अनजालिखौ नागिरनानै
सफैबाय नामा आं बेवहाय
ना मिथिंगानि समायनाखौ रैखा खालामनो नुजाफैबाय
आनजाद जानोसै दिनै बेनिबो
सोलोंनाय जाबाय दंमानि बेसेबांबा बेनिबो
मिजिंआ सोरखौ नागिरनानै बिबारबादि गेवलांनो नागिरदों
गगलिंग' लोगो दुखु-दाहानि देंखो बेसेबांबा रिंलांबाय
मेगन बेखेवनो हायै खोमसियाव आखायजों दांग्रोमनानै
दुखुनि देंखो सेर्जा हुनानै थांबाय बेसेबांबा
नै लोगो सोरनि जाखो बे देंखोआ दिनै मिथिया आं
बेसेबा गेवलां बिबारनि बारनाया मोदोमनानै गोमालांबाय
दुखु-दाहा आंनि जिउआव रिंखाङो गले गले अनजिमा गैयैयाव
गोजावनाय नामा माया संसारनि
मिथिया आंलाय बोहैनाय खुसिनि ना दुखुनि मोदै
अखाफोरबादि आलो आलो बोहैलांनानै थाखोमाहैयो बबेयावबा
20/12/2011
Bu şiiri puanla
Henüz puan verilmemiş