सोदोबा AK 47 निसो
R
Ronjoy Brahma
0
Altın Yaprak
गोजां बोथोरनि गुसु हराव
प्रभु जिसुनि जोनोम।
रंजादोँ फालो फालो बर'फोरा
गेदेद रंजानाय सान मेथाइया-
बड़दिन बड़दिन,
सेर सेर गोबां रंजानायजोँ
सावलुन बावलुन सेँग्राफोरा
एटम बमा बेरफ्रुहोदोँ।
रंजानाय खावसेजोँ आं जिंगा सिहाबदोँ
जेरैबा रंजानाय एटमनि खावसेजोँ
सोदोब आरो सोदोब थाद'आ-
बेयो रंजानायनि एटम नङा
बिखा सोमावनाय, बिख्लो फिस्रिनाय
AK 47 नि हब्रानाय।
गोजां बे गुसु हराव दावहा
अरखि सारफावलायनाय खोमसियाव
सोरनि जागोन देरहानाय! ?
गोरबोआव गिखांनायनि सिमा गैया!
गोजांनायजोँ खौखाब, आरोबाव बिखा
आंनि उसुंजोँ जुथानि सोदोब
ख्रब ख्रब दान्दिसे आगान होनाय।
रंजादोँ खावसे बाज्ल' बाज्ल'
हरै खावसेजोँ दाबो सोदोब
बेयो रंजाथाव एटमनि नङा
सोदोबा AK 47 निसो।
Bu şiiri puanla
Henüz puan verilmemiş