सोदोबनि सोदोब नागिरो आं

खन्थाइगिरिफोरा बुंसोलायो- खन्थाइनि थाखाय सोदोब नागिरना मोना। आंथ' आरो खन्थाइगिरि नङालाय! सोदोब नागिरो आं- नेहाथ आंनि बिजाबफोराव। माबा रादाब लाबोगोन सान्नानै नेदोँ आं- बार गोलोमबोथोरनि दुंखावनाय सायख्लुमाव, जोमै उरसिनानै ओँखारबोनाय साननि मेगना सोबख'दोँ गोलोमदै- आंनि सोलेरनि। आरो आंनि उसुखुथुआनो खन्थाइसोजेन जाबाय नेहाथ खन्थाइगिरिनि थाखाय, गोलोमदैनि रावआ बुङो- बार नांगौ समायना मिथिँगा बिलाइनि सान्दुंआव खानस्रिफोरादि दुब्लिखौ मोनामहोबाय। हिमालयखौ बुफ्रुनानै अन्थाइ दिहुन्नो हाब्लाबो सोदोबखौ खन्थाइनि थाखाय नागिरना मोना, आरो अख्रां एबा बुहुमखौ बुफ्रुनो आंहाखि गोहो दं? लैथो-लैथोमायाव थब्ल'बा मनि-मुखथाखौ मोनो। बेसेरि बबिया माखौ बुजिनानै मिनियो? खानायाबोदि माखौ नुनानै एसेबां खुसिथाय? सोदोब नागिरनानै आंनि हांखुर जानायखौ बुजिया नोँ खन्थाइ सोरजिनो बेसेदि हाबिला आं!