दा आंनो गोनांथिया जादों
R
Ronjoy Brahma
0
Altın Yaprak
दाखालि बांग्रिं मावनायजों
आंनि बुहुमा गोजौ-गाहाय जासिनदों,
बेखायनो आंनो गोनांथिया गंसे मै
हाखर-हाला गासैखौबो समान खालामनो।
आबाद फोनो एबार बोथोरआ सफैबाय
हाग्रा जाबोर बुथुमनो गंसे हासिनि नांगौ,
आंनो थरसे बमा नङा
अन्थाइ आरो हाथरखौ गलिहोनोसो हाथुरा नांगौ।
सेरखाय-बेरखाय बायफ्लेनाय गावनि बुहुमखौ
खनथुम खनथुम मोनसे गोदान बुहुम सोरजिनो,
बायबेला हाया करान गीताया हाया
मानोना बिसोरबो दावहा नाङो।
दा आंनो गोनांथिया जादों
मोनसे गोगो लैथोमा बयबो सानस्रिनो,
जेराव लैथोमानि गोबां मुं गैया।
मोनसे दैखर नांगौ बयबो बारसोमनो
जाय दैखरहा गोबां मुं गैया,
जों मोनसे बिफांनि गोबां दालाइ
गोबां दालाइनि गोबां मुं महर।
बारजों बबेबा दालाइआ थेम बायदों
बबेबा दालाइया दालाइ खासिनदों,
सोमोनांथाव बेखायनो आरोबाव
मिथिंगा
बिसोरनि फिथाइया माबादि महर लागोन?
आरोबाव माबादि जोलै होगोन?
आं लुबैया बेखायनो गोबां मुं।
Bu şiiri puanla
Henüz puan verilmemiş