दह'लाफारानिफ्राय फैफिन्नानै

थरसेनि उनाव थरसे अन्थाइ जोथ्रोददोँ, खेबसे खेबनै खेबथाम गावनि आगसि आथिँआवनो जोफ्लांदोँ। अखाफोरनि बैसोआ द्लाम जाबायमोन बियो खेबसे नायहरखालि, दांग्रोमब्लाबो मिजिँखौ मोना बिनि उदैयाव ओँखाम खालि। स' स' गोबादोँ खांग्रां खुग्लुब बेल्थायदोँ बबेबा गरखाय खनायाव। हरा सियाल उन्दुस्रिनाय सम, लामानि गोमोथिँ ससमाफ्रा जानो हागौ मोखां सोम सोम। रान्थाब-फोन्थाब बिसि-फिसाया मोले मोले सांग्रेमा एम्फौफोरबादि सोरांजोँ हंलानि न' लोर्लानि न' न' नागिरदोँ। सिबाय बिसि! सिबाय फिसा! नागिरना मोनाखै जेरावबो। मुगासे मुगानै मुगाथाम जेराव गोग्लैदोँ बेयावनो सोरांदोँ लामानि सैमा बांग्रायासो फोजाबावदोँ।