थमेनोल' बिबार
R
Ronjoy Brahma
0
Altın Yaprak
जेसेबां आं सुजुनो सानो लु
आरोबाव थाङो फेलेँनि लामायाव।
आंनि हास्थायनाय जिउआव मोननो गैलिया
गासिबो बिरो हाद्रियाव।
गोरान दालाइयाव मादि आय'
थमेनोल' बिबार, गेवलां मोना,
आंनि सुजुनो लानाय मालाया
बेनिखायनो थाङो फेलेँआव।
समायफ्लेना रंजानाय फोनगोबां
जेबो गैया गैया इसेबो ओँथिया
बे जिउ गैयै मुथिनि गोदोनायावसो
सारि गानफबनाय हनै साजायबाय।
नै जोहोलाव बिदिब्ला आंहा
फेलेँ जानोसै सुजुनो लानाय मालाया,
मुंख्लं जानाय हारिनि ओँथिया
थालांथारनोसै मुंख्लं फेलेँनि।
हास्थायनाय गोरबोनि देरहासाद
गानहोनो लानाय मिजिँ बिबारा
गेवलांनाय गैया दाबोनो;
थमेनोल' बिबार, गेवलां मोना
फेलेँ जाथारनोसै समा बारग'ब्ला
साननाय मानि गासैबो देरहासादनि।
Bu şiiri puanla
Henüz puan verilmemiş