थरथिँ थरथिँ थरथिँ
R
Ronjoy Brahma
0
Altın Yaprak
हिराबायदि गोजोँ गोजोँ थरथिँ
फ्रि फ्रि हानाय अखानि,
थरथिँ थरथिँ गसरदोँ समायनायै
गेरेमसा बिफांनि बिलाइनिफ्राय।
नोँ जोबोद समायना मोदैबायदि
मिनिजि मिनिजि गेलेदोँ बिलाइयाव,
आंनि आसि फारनैजोँ आजावो आं
फुंनि गुसु बाराव गोरोबफानानै।
फ्रि फ्रि अखा नोँ समायना
दुलाराइ मुलुगनि अरनाव,
रंजाखाङो मिथिँगानि गासै जिउ-जिबिया
दाउसिन-दाउला बिफां-लाइफांआ।
हे जोमै आंखौबो देनां लोगोआव लाफा
गोरान जाब्ला सोमखोर मिथिँगाया,
मुलुगाव गले गले बाज्रुमनो आं
थरथिँ थरथिँ थरथिँ।
Bu şiiri puanla
Henüz puan verilmemiş