दोँसे खन्थाइ: सख्रा मैनि

मासे मैया खारैखारै मेँनायजोँ मोनसे दैसायाव दै लोँफैयो। होनबा बियो बिफां गोजौआव बानानै उदाङै मेथाइ रोजाबनाय दाउसिनखौ दैसायाव नुयो। गोसोजोँ गोसो बियो सानो- खाफालानो जोबोद गाज्रि आंहा! नोँ आरो आंनि गेजेराव जोबोद फाराग बिरबाय बिरबाय नोङो बिबारनि बिदै सोबो। बिरबाय बिरबाय नोङो फिथाइ खेबख्लाबना जायो। बिरबाय बिरबाय नोङो मेथाइ रोजाबना गावनि मुंखौ फोसावो। नोँनि गारांआबो जोबोद मिलौहाब आरो गोदै। नोँनि अख्रां सासा उदाङै बिरनो मोन्नाया खाफालनि जोनोम। नोँ गांखं फुवार फुवार मुलुग गिदिङो समायनानिफ्राय समायनासिन सोमखोर गेरेमसा बिफांनि दालाइयाव बायो। नाथाय आं आथिँ जोकथोँ जोकथोँ बेसेबा खारनानै मेंग्लियो। आंनि आगान संनानै लांसुनिया फलाना आंखौ नागिरगासिनो दं दिनैबो। नोँबादि आंहा गां थानायमोनब्ला जोबोद मोजां जाथारगौमोन!