الله بویاغی
ش شهریار
0
Altın Yaprak
ایسلام اویاتدی خالق باشین قاوزایان قاچیر
شیطان باجارمادی کی , یاتانلار اویانماسین
هر رنگی آت , فقط بویان الله بویاغینا
هر آلدادان بویاقلارا قلبین بویانماسین
خالقین گؤزون اویاردی شاهین میر غضبلری
قوی بیر اویولسون اوز گؤزو تا گؤز اویانماسین
تبلیغ او پایده گرک اولسون کی موددی
بیر نقطه سینده ضعفینه بارماق قویانماسین
الفاظی مؤحکم ایتملی معنانی چوخ لطیف
سؤزلر گرک سوغاندیسا , هر کس سویانماسین
اما گیجه نمازدا قیلیرسان یاواشجا قیل
قوی زحمت ایله هوشلانان اولسا اویانماسین
آغزیندا دادلی سؤزلریوی سن ده شهریار
اییله پیشیر کی , خالق دادیندان دویانماسین
Bu şiiri puanla
Henüz puan verilmemiş