چابالیر اوره ک سینه مده
ش شهریار
0
Altın Yaprak
آینایا باخاندا گؤردوم ساققالیما دن دوشوبدی
من کی چوخ قوجالمامیشام بیلمیرم ندن دوشوبدی
هنر اولسا روح جواندیر هله–هله دوشگون اولماز
اونداکی گؤردون دوشوبسه ن بو نفیر بدن دوشوبدی
اورایا کی سن گیدیرسن قویولار آچیبدی آغزین
شیطانین توری یاماندیر هر گلیب گیدن دوشوبدی
نه قدیر باشین سلامت ال– آیاقدا باشسیز اولماز
آیاغا دمیر دوشه نده باشووا چدن دوشوبدی
قویودان که خلقه قازدین چیخا بیلمه سن سلامت
آدام اینجیدن بلایه آدام اینجیدن دوشوبدی
چابالیر اورک سینه مده باشی کسیلمیش تویوق تک
پیلله نی چیخاندا گؤردوم سینه نفه دن دوشوبدی
سیرچه دن سیچاندان آرتیق توری بیز قوراندا دوشمز
آمما شیر تورون قوراندا فیل یا کرگدن دوشوبدی
شهریار عدندن آیری مرواری ییتیم قالاندا
یمن جنوبی دن ده باخاسان عدن دوشوبدی
Bu şiiri puanla
Henüz puan verilmemiş