تورکون دیلی

تورکون دیلی تک سیوگیلی ایسته کلی دیل اولماز اؤزگه دیله قاتسان بو اصیل دیل اصیل اولماز اؤز شعرینی فارسا – عربه قاتماسا شاعیر شعری اوخویانلار ایشیدنلر کسیل اولماز فارس شاعری چوخ سؤزلرینی بیزدن آپارمیش صابیر کیمی بیر سفره لی شاعیر پخیل اولماز تورکون مثلی فولکلوری دونیادا تک دیر خان یورقانی کند ایچره مثل دیر میتیل اولماز آذر قوشونو قیصر رومی اسیر ایتمیش کسری سؤزودور بیر بیله تاریخ ناغیل اولماز پیشمیش کیمی شعرین ده گرک داد دوزو اولسون کند اهلی بیلرلر کی دوشابسیز خشیل اولماز سؤزلرده جواهیر کیمی دیر اصلی بدلدن تشخیص ویره ن اولسا بو قدر زیر – زیبیل اولماز شاعیر اولابیلمزسن آنان دوغماسا شاعیر میس سن آبالام هر ساری کؤینک قییزیل اولماز چوخ قیسسا بوی اولسان اولیسان جین کیمی شییطان چوخ دا اوزون اولما کی اوزوندا عاغیل اولماز مندن ده نه ظالیم چیخار اوغلوم نه قیصاص چی بیر دفعه بونی قان کی ایپکدن قیزیل اولماز آزاد قوی اوغول عشقی طبیعتده بولونسون داغ – داشدا دوغولموش ده لی جیران حمیل اولماز انسان او دی توتسون بو ذلیل خلقین الیندن الله ی سیوه ر سه بیله انسان ذلیل اولماز چوخ دا کی سرابین سوتی وار یاغ – بالی واردیر باش عرشه ده چاتدیرسا سراب اردبیل اولماز ملت غمی اولسا بو جوجوقلار چؤپه دؤنمه ز اربابلاریمیزدان دا قارینلار طبیل اولماز دوز واختا دولار تاختا – طاباق ادویه ایله اونداکی ننه م سانجیلانار زنجفیل اولماز بو شهریار ین طبعی کیمی چیممه لی چشمه کوثر اولا بیلسه دیمیرم سلسبیل اولماز ۱۳۴۸