دنیا نه یالان تاپماجادیر؟
ش شهریار
0
Altın Yaprak
ایل کیچدی باهار اولدو خبر یوخ گولوموزدن
گول آچمادی قووزانمادی سس بولبولوموزدن
بایرام گونوموز یاسلی گؤروشلرله کیچر کن
شادلیق نه اوماق بیز آییمیزدان ایلیمیزدن
تقویم آلابیلمم اله گؤردوم منه تقویم
گؤزداغ دیکی تقویمی ده گیتدی الیمیزدن
بیز باغچامیزی بیلیه بیللیک داهاهیهات
نایمید اجلین بیلداری وورموش بیلیمیزدن
تقویمی اولاردان دی کی یاددان چیخابیلمز
یاددان نیجه چیخسین آدی دوشمور دیلیمیزدن
ایل ایچره باشی بیرییره گاهدان اوییغاردی
اوگیتدی ییغینجاق دا ییغیشدی ایلیمیزدن
یولداش سپه لندی ایله بیل سام ییلی اسدی
سرسام دی قالان بیزلره بوسام ییلیمیزدن
دنیا نه یامان تاپماجا دیرباش چخاران یوخ
بیزباش تاپاق آنجاق بوقوبول- منقلمیزدن
تقویمی کیمی دوز کیشی هیهات تاپیلماز
بیر شمع دی کی کؤچدو بیزیم محفیلیمیزدن
اوچ نازلی بالا همسر ایله قالدیلا- باشسیز
یانساق دا اود ال چکمیه جکدیر کولوموزدن
بیر کافیه اوندان باجاری یادگار اولسون
باش یولمادا بیرتیلدی قالان کاکیلمیزدن
ایل بیرده دیسین سیل سارانی قاپدی قاچیرتدی
آغلاشدی بولودلاردا بوداشقین سیلیمیزدن
بیر مزرعه دیر شهریار ین عومرو نه حاصل
سیل قویمورو بیرچؤپ ده قالا حاصیلیمیزدن
Bu şiiri puanla
Henüz puan verilmemiş