خان ننه

خان ننه هایاندا قالدین بیله باشیوا دولانیم نیجه من سنی ایتیردیم دا سنین تایین تاپیلماز سن اؤلن گون عمه گلدی منی گه تدی آیری کنده من اوشاق نه آنلایایدیم باشیمی قاتیب اوشاقلار نیچه گون من اوردا قالدیم قاییدیب گلنده باخدیم ییریوی ییغیشدیریبلار نه اؤزون و نه ییرین وار هانی خان ننه م سوروشدوم دیدیلر کی خان ننه نی آپاریبلا کربلایه کی شفاسین اوردان آلسین سفری اوزون سفردیر بیرایکی ایل چکر گلینجه نیجه آغلارام یانیخلی نیچه گون ایله چیغیردیم کی سه سیم سینم توتولدو او من اولماسام یانیندا اؤزی هیچ ییره گیده نمه ز بو سفر نولوبدو من سیز اؤزو تک قویوب گیدیبدیر هامیدان آجیق ایده ر کن هامییا آجیقلی باخدیم سونرا باشلادیم کی منده گیدیره م اونون دالینجا دیدیلر سنین کی تیزدیر امامین مزاری اوسته اوشاغی آپارماق اولماز سن اوخی قرآنی تیز چیخ سن اونی چیخینجا بلکی گله خان ننه سفردن ته له سیک روانلاماقدا اوخویوب قرآنی چیخدیم کی یازیم سنه گل ایندی داها چیخمیشام قرآنی منه سوقت آل گلنده آما هر کاغاذ یازاندا آقامین گؤزو دولاردی سنده کی گلیب چیخمادین نیچه ایل بو اینتظارلا گونی هفته نی سایاردیم تا یاواش – یاواش گؤز آچدیم آنلادیم کی سن اؤلوبسن بیله بیلمییه هنوزدا اوره گیمده بیر ایتیک وار گؤزوم آختارار همیشه نه یاماندی بو ایتیکلر خان ننه جانیم نولیدی سنی بیرده من تاپایدیم او آیاقلار اوسته بیرده دؤشه نیب بیر آغلایایدیم کی داها گیده نمییه یدین گیجه لر یاتاندا سن ده منی قوینونا آلاردین نیجه باغریوا باساردین قولون اوسته گاه سالاردین آجی دونیانی آتارکن ایکیمیز شیرین یاتاردیق یوخودا لولی آتارکن سنی من بلشدیره ردیم گیجه لی سو قیزدیراردین اؤزووی تمیزلیه ردین گینه ده منی اؤپه ردین هیچ منه آجیقلامازدین ساواشان منه کیم اولسون سن منه هاوار دوراردین منی سن آنام دؤیه نده قاپیب آرادان چیخاردین ایله ایستیلیک او ایسته ک داها کیمسه ده اولورمو اوره گیم دیییر کی یوخ – یوخ او ده رین صفالی ایسته ک منیم او عزیزلیغیم تک سنیله گیدیب توکندی خان ننه اؤزون دیییردین کی سنه بهشت ده الله ویره جه ک نه ایستیور سن بو سؤزون یادیندا قالسین منه قولینی ویریبسه ن ایله بیر گونوم اولورسا بیلیرسن نه ایستیه رم من سؤزیمه درست قولاق ویر سن ایله ن اوشاخلیق عهدین خان ننه آمان نولیدی بیر اوشاخلیغی تاپایدیم بیرده من سنه چاتایدیم سنیلن قوجاقلاشایدیم سنیلن بیر آغلاشایدیم یینیدن اوشاق اولورکن قوجاغیندا بیر یاتایدیم ایله بیر بهشت اولورس داها من اؤز الله هیمدان باشقا بیر شیی ایسته مزدیم ۱۳۵۵