غم باسدی قلیانیمی

قیشین قره قیییدی آلیب منیم جانیمی خورتدان دیییب قوجالیق کسیب منیم یانیمی بو سیگاردا زه لی تک دوشوب منیم جانیما دوداق - دوداقه قویوب سورور منیم قانیمی سازاق سازین قوراراق قولاقدی سانکی بورور چکیبدی ایپلیگیمی قیریبدی قییطانیمی یینه قیشین قوشونی پاییز مارشین چالاراق کردیمده وارسا بیچیر لاله می ریحانیمی اوشودوم ها اوشودوم دیییر منیم دردیمی کورسو تووین ایتیریب آختاریر درمانیمی پاییزلامیش زمی یم وریان منه نه گرک دؤنرگه دؤندره جک دؤندیکجه وریانیمی قوی چالخاسین بیزی بو زمانه یهره کیمی منیم سودوم چورویوب تورشاتسین آیرانیمی هنر دیلین قلمین ایشدن سالان منی ده ایشدن سالیب ایتیریب پاک ادیمی سانیمی حیدربابا یولی تک یول باغلانیب اوزومه آوچی فلک آولاییب سررویله جییرانیمی نازلی یاریم گیده لی سؤنوب منیم چیراغیم خان وارسادا نه کاری ایوین کی یوخ خانیمی مریم کؤچوب گیدیبن شهرزادینم دا گیدیر فلک الیمدن آلیر درریمی مرجانیمی ییتیم تک اوز - گؤزومی نیبت باسیب باساجاق یامان قاریشدیریاجاق سلقه می سهمانیمی نه دیز وار کی سورونوم نه اوز وارکی قاییدیم نه یوک قالیب نه یابی سویوبلا کروانیمی ایلدن منی قیوجالیق آزقین سالیب سالاجاق ایتیردی تبریزیم اودوزدو تهرانیمی بیزیم ده چایخانامیز چای تؤکررک قوناغا دولدوردی زردآب ایله منیم ده فنجانیمی قلیانلا شهریاریم غمی قالدیر باقالیم من ده خورولدادیرام غم باسدی قلیانیمی ۱۳۵۹