Mujhe Kohqaaf Jana He!

Mujhe kohkaf jana he mujhe kohkaf janay do wahan ja kr mujhe thoray zaruri kam krne hen khushi k naam mujh ko chandni k jaam krne hen wahan k jangalon me jugnuon se baat krni he wahan apne lye chhota sa ik aangan banana he gulaabon se sajana he Suno, kohkaf k aksar gulaabon me koi kantay nhi hotay suna he k wahan pariyan sureelay geet gaati hen wahan paryon ko me insaan k qissay sunaun gi boht heraan hon gi wo... suna he titliyan urti hen to rangon se ik manzar banati hen mujhe bhi dekhna he wo suna he jugnuon ki roshni me saray ansoo bhool jatay hen mujhe bhi bhoolna hen wo Suno mujh ko to iss kohkaf se dar bhi nhi lagta safar dushwar bhi gar ho to manzil to suhani he mere andar kahin mojood bachhpan ki kahani he wahan per chandni rahon me bikhri khoob lagti he wahan bazar me aansu sadaf k mol biktay hen mere andar abhi bhi muskurahat saans leti he yahan ki barf pe chalna bara mushkil jo thehra he mera saamaan thora he faqat do, chaar sapnay or adhoori neend, ummeedein bari lambi musaafat or bht masroof saa'at he Suno iss baar janay do Mujhe kohkaf jana he Mujhe kohkaf janay do Mujhe wapas nhi aana...