10 Scots Poems From The Burnin Buss

S Sheena Blackhall Sheena Blackhall
0 Altın Yaprak
1.Granminnie, as a Bairn I am the bairn, Lizzie Ae day I’ll growe tae be yer granminnie I am weirin ma button up buits Ma hair’s bane-caimbed tae clear ma heid o flechs Catched in ma schule ootower Migvie Moss Ma harns are an iver-raxxin quaich. Latin & Scots baith ream atween ma lugs An in ma mou, roch sangs the shepherds’ sing I am wud’s an unbrukken shelt Clean connached, ma faither’s pet Oor ferm hoose sits nearhaun the Pictish stane Backed bi a Celtic Cross. Fit’s Time bit a flee’s pech? I ken Auld Lear an New. I hae a wyce heid on young shoulders Sune, ma faither will rin frae the hoose Lowpin the girse like a bawd Tae far ma sister Sally stauns there skirlin Stung bi bees, forced aff the cliff o Reason. Dae bee stings caa fowk gyte? She wis ay a thochtie fey…. Ae day I’ll be the bee that feeds ye hinney Ma grandother, I’ll gie ye luv an lauchter. 2.A Scots Owersett of a poem by Pia Tafdrup Foo is this a human body? The craitur wauks on twa shank’s meer An can makk eese o a star screwdriver It lauchs an greets lood It etts meat, sleeps, bit likewise spikks an sings Philosophises an learns Spanish in its free time An takks tent o a drap o its ain bluid in a miscroscope It sens letters, a wechty pruif o its human life Like the singin o the yuletide sangs it has learned bi hairt An the maistery o the twinty times table Even fin its waukened up in the mids o the nicht The lion trysts wi this craitur in a braid park Sees twa een, twa lugs an the tint fur It’s the lion fa fins Fit’s left ower is the human’s name That plants sclimm up Whilst wirms, emerteens an hornygollachs heeze aroon A skirlin bird whyles launs on it The bird’s nae dowie Anely the fowk fa devaul aside the stane. 3.Scots Owersetts frae English translations o Classic Haiku Naebody cared tippence That the flooers’ bonnieness dwined An I saw masel in the warld grown auld As the rain gaed on faain…..Ono no Komachi,9th C. woman poet Takk tent o thon warbler- He’s dichtin his dubby feet Aa ower the plum flooers….Issa Fin the bell’s tune dwinnles The yoam o gean devauls Gloamin hauf-light…..Basho The bairn greets at her breist An the mozzie bites as weel The mither, sleepin….RanRan Wydin ben the burnie In simmer, cairryin ma sheen Foo blithesome! ...Basho A win this nicht An wee waves splyter The cweets o a blae heron…..Buson Here an thonner hynie-awa The soun o rain throw The young leaves faain….buson Thon hyne aff Bens Catched in the ee-jewels o the dragonflee…Issa Foo braw the lift is Fin a lintie Has bin singin….Issa Corn hairst in the Faa Loons skelpin a snake On a kintra roadie…Shiki They hae hackit doon The sauch. Sae the kingfishers Hae vanished as weel….Shiki 4.The Echt Myndins: a Scots Owersett from 60 Songs of Milarepa, Castles an steerie touns, they are sic airts Ye like tae bide in, spokes upon Life’s Gird Bit mynd, they’ll fa tae stoor as weel’s yersel Efter yer corp has vanished frae the Yird! Pride an the thocht o Fame’s fit drives ye on This path ye traivel, a queer road tae pree; For mynd, fin ye are seek an like tae dee It gies nae bield fin Daith’s yett swings ajee! Kinsmen an friens are fowk ye luv eenoo An bide wi them, thinkin them best ava Bit mynd, that ye maun leave them aa ahin Fin frae the Yird it’s time tae wyve ta ta! Skiffies, siller, hame an bairns as weel These are the ferlies that ye haud maist dear But mynd, fin it comes time tae weir awa Yer hauns are teem. Ye maun leave aa yer gear! Smeddum an virr, they may delicht ye noo An ye micht prize them baith, as wirdly jewels Bit mynd, fin Daith cams chappin at yer hoose Yer corp will be fit anely for the mools! Eenoo, yer hairt an harns, yer banes an braith Yer flesh an bluid are perfeck, mair or less Bit mynd ye, at the meenit o yer death They’ll be as eeseless as a pile o aisse! Sweet an mooth-watterin deinties bi the score Ye like tae ett, an think sic treats the best Bit mynd, fin Daith snips aff yer threid o Life It’s dryin slivvers in yer mou at laist Fin I sit doon tae think upon sic things I canna help bit bless the Buddha’s lear! Pleisurs an passin ferlies o this warld Are nocht bit fireflauchts, this tae me is clear I, Milarepa, sing o these Echt myndins, At the Guest Hoose in Garakhache o Tsang. Wi these clear wirds, takk tent, I gie ye warnin Turn tae the Dharma, an, my frien, think lang! 5. Aesop’s Wren as Listener This foreneen I’m Aesop’s wren Fleein up tae the lift On the backs o ithers’ poems 6. Veesitor The morn should niver veesit yestreen I keeked throw a windae Expeckin ma aunt’s physog, Reid-faced an floory frae bakin scones A wumman wi a face like a skelped erse Glowered back at me, Steekin the curtains An waur, the ley far I eesed tae wauk the kye Wis stappit wi streets caad ‘Leafy Mews’, Stone Lane 7. Mediaeval Breid Eftir the quake in hynie-aff Nepal Fin fowk wir stervin in pure poverty Mrs McGraw baked mediaeval breid Frae a recipe she googled up for tea 8.Rain Riddlin the san an seawatter thegither, A richt doonpish o rain is jeelin weet Launchin the leaves doon gutters in a swither. Ye’d think the lift itsel brukk doon tae greet The clouds turn wechty wi wae’s scunneration, For rain, like tears, faa fin derk sorras meet. An yird an flooers are caad tae crockanation Fin dweeble stems, rain-sypit, canna staun, Life’s fit alane fur dyeuks, the drookit nation. I maun allow some shouers maun sloke the lan, Bit days an wikks o eynless onding dreepin, Dae little guid for wumman, beast or man. An sypin moose an bawd wi watter creepin Abeen their hames, are far ower feart for sleepin. 9.The Nor East Win A wud- eed shelt gaes fleein by the meen, The North East Win’s this charger. Nae reprieves For boaties caad tae smachrie by his sheen. His braith is cauld. He wheechs aff chitterin leaves. Trees raxx their tethers, lowsin frichtit doos. The hairst is flattened, ilkie fermer grieves. This Win is coorse, aa Natur fears his roose. Fusslin sae fierce an forcey he’d bumbaze. The decks o fishin watter-draigglit crews. The toun maun hunker doon on sic-like days, Afore this pouerfu Win, wi virr sae strang! A wheep ye’d think yer skin he near haun flays. Sic days are dreich, His dirge, a keenin sang. Sae dowie, fowk are gled tae see the mirk Safe in their hames, his airy stangs aff flang. Roon nyakkit neuks, this Win jags like a dirk. Rattlin the verra reef-tree o the meen, He shakks the lan, a futterat at its wirk. Bit brakks afore the micht o granite steen. 10.The Yellowhammer's Nest: John Clare: Owersett in Scots The Yalla Yeitie’s Nest Aside the timmer brig a bird flew up, Flegged by the herd lad as he sliddered doon Tae reach the dyew-weet brummle—come, let’s boo Hunt oot its nest—the burn we needna dreid, Thon’s hardly deep eneuch a bee tae droon, Sae it sings hermless ower its steeny bed —Ay here it is, bigged hard teetle the sheuch Aneth the swatch o girse that spinnles teuch Its husk seeds heich an slim—it’s roch in plan Wi sun-fite stibbles an the sair-crined fare That last year's haist left lyin on the lan Lined thinly wi the sheltie’s pit-mirk hair. Five eggies, pen-screived ower wi ink their shells Screived ower wi inky scrawls, like oorie Ides As natur's barderie an kintra spells— They are the yella yeitie’s an she bides Maist bardie-like far burns an flooery weeds As swete as Castaly (sae notions growe) An thon auld mowdie’s humph, like Parnass' knowe Her dearie cocks abeen, his thochties turn Ower aa her joys o sang—sae leave thon howe A blythesome hame o sunsheen, flooers an burn. Yet in the doucest airts, ills wecht the powe, Aside the timmer brig a bird flew up, Flegged by the herd lad as he sliddered doon Tae reach the dyew-weet brummle—come, let’s boo Hunt oot its nest—the burn we needna dreid, Thon’s hardly deep eneuch a bee tae droon, Sae it sings hermless ower its steeny bed —Ay here it is, bigged hard teetle the sheuch Aneth the swatch o girse that spinnles teuch Its husk seeds heich an slim—it’s roch in plan Wi sun-fite stibbles an the sair-crined fare That last year's haist left lyin on the lan Lined thinly wi the sheltie’s pit-mirk hair. Five eggies, pen-screived ower wi ink their shells Screived ower wi inky scrawls, like oorie Ides As natur's barderie an kintra spells— They are the yella yeitie’s an she bides Maist bardie-like far burns an flooery weeds As swete as Castaly (sae notions growe) An thon auld mowdie’s humph, like Parnass' knowe Her dearie cocks abeen, his thochties turn Ower aa her joys o sang—sae leave thon howe A blythesome hame o sunsheen, flooers an burn. Yet in the doucest airts, whyles, there comes ill, A scunnerin weed that connachs ilkie yird; For snakes are kent, cauld, deid, wioot a wird Tae watch sic nests an grip the helpless young, And like as no, the plague becama a guest, Leavin a hooseless hame, a bladded nest— An dowie has the yalla yeitie sung Fin sic like waes hae rived its teenie breist. A scunnerin weed that connachs ilkie yird; For snakes are kent, cauld, deid, wioot a wird Tae watch sic nests an grip the helpless young, And like as no, the plague becams a guest, Leavin a hooseless hame, a bladded reest— An dowie has the yalla yeitie sung Fin sic like waes hae rived its teenie breist.

Bu şiire çeviri ekle ·

Bu şiiri puanla

Henüz puan verilmemiş

Yıldıza dokunarak 1–10 arası puan ver

Yorumlar

Yorum yapmak için giriş yapmalısın.

Giriş yap

Bu şiire henüz yorum yapılmamış. İlk sen ol.

Sana daha iyi bir okuma deneyimi sunabilmek için sitemizde çerez kullanıyoruz. Kişisel verilerin KVKK ve GDPR kapsamında işlenir; hangi çerezlere izin verdiğini dilediğin zaman değiştirebilirsin.