Dundee

The official city motto o Dundee's a giftie frae God Twa dragons, uphaud a pot o daffs, its symbolism- Aabody in Scotlan ower the age o saxty Kens the toun is famed Fur Jute, an Jam an skeelie Journalism Aabody in Scotlan fa reads odes Kens o McGonigall, a dreepin tap Bit dae they ken that Scotia's peetifu bard Wis Irish, or mebbe an Embro-burger, twa chips short o a bap? Ae toun, mony discoveries RRS Discovery,Scott's Antarctic boat… O dinna speir ‘Far is it? ' Berthed in Dundee, itwytes fur ye tae veesit In this UNESCO City o Design (sic byordnar futurist creations) Fitba's heich on the ceetizens leet o likes The V&A Dundee -doon on the watterfront Gies it a heeze in the towrist buiks o ratins FortyDundee whale ships lie at the Arctic foun A lang, sair daith bi frost-bite an stervation A Gothic horror airt fur men tae droon On a sweeter note Warldwide fowk spreid their breid wi marmalade (Keiller's, fit ither)an chaw up Dundee cake on Hogmanay Bringin in the bells, brither tae brither An there are bonnie screivers, frae Dundee Fitt,Paterson,Burnside anDouglas Dunn An thespians, like Cox, the billionaire An sangsters, Michael Marra, RIP An fa'd skyte ower Scots Jungian archetypes: Paw, Maw an Granpaw Broon, their bickerin bairns The Beano, Dandy an The P& J? The comic pliskies o the Scots at play Nae fur Dundee, some po-faced general glorifeed in bronze Na, na, it's Desperate Dan himsel strides oot, Oor Willie, Minnie the Minx, an sic like craiturs Weel kent fur smeddum, couthie,vaunty naturs Wannerin the Murraygate, ye'll meet A Dundee dragon statue, flashin his wings an tail. Eftir a nesty breet fa ett nine quines Jings Crivens Help ma Boab an Stop the Bus! That sic a beast is on the shoppin trail! Their faither fand their giblets on the grun An fetched his youngest dother's luver Martin He hacked its heid aff, doonbye Craigowl Knowe The dragon, deein, spakkDundonian A lanely mythic dragon, aa alane: ‘Tempted at Pitempton Draigled at Baldragon Stricken at Strathmartine An killt at Martin's Stane' (It should hae ett Coo Pie like Desperate Dan Or eschewed maet, bin vegetarian) Glesga has its fish, Embro its doe Aiberdeen has leopards on its shield The Dundee dragon's fit tae jyne them aa The emblem of this strang an thrivin bield