Incantation (Scots)
S
Sheena Blackhall
0
Altın Yaprak
Three times roon I wauk the puil
Tinklin watter. Puddock sweel
Inno memory's fikey pyoke;
Stap the image, tie the knot.
Syne, fin hyne awa I gyang,
Inbye aa thon sichts are thrang.
Fa'd hae thocht that loch an knowe
Cud set the senses in a lowe?
Three times roon I wauk the puil,
Sun an meen an puddock sweel;
Lest thon ferlies I should tyne,
Cherm an chant shall mak them mine.
Bu şiiri puanla
Henüz puan verilmemiş