Casa mia (Palay)

Que-t salùdi, Casete au teyt rouye e puntut Oun badou lou me pay, oun soy tabé badut, E doun, coum u pa d’oelhs, las frinèstes m’espien; Case sourtide tros à tros dou cap dous digts Dous payrans tan balénts qui droumen esmudits, Adare, s’ou penén dou poey oun touts s’abien. Que-t salùdi, maysou, qui porti toute en you! Qu’ès tout ço qui m’endol e toute ma gauyou; Qu’ès lou casau toustém bagnat de poesie; Ma bite que tién toute enter-miey tas parets, Qu’ès l’endret lou mey bèt enter touts lous endrets, Casete, qu’ès lou cout lou mey beroy qui sie!