Sara Teasdale 86 - മദെയ്റാ, സാഗരസുപ്തിയിൽ നിന്ന്
U Unnikrishnan Sivasankara Menon
0
Altın Yaprak
നനുത്ത വിദൂരസ്വപ്നത്തിൽനിന്ന് ഒരു മരതകക്കല്ല് ഉയർന്നുവരുന്നു
കടൽക്കാറ്റിന്റെ ഊതനീലച്ചുരുളുകളാകുന്ന മുഖപടമണിഞ്ഞ്;
ഒരു നഗരത്തിന്റെ ഉണർവ്വേകുന്ന തിളക്കമാർന്ന
ശ്വേതസ്നിഗ്ദ്ധതയെ മൃദുവായി ആ സ്വപ്നം വളർത്തുകയായി:
ചിതറിവീണ അരുണിമ, വർണ്ണോത്സവമായി കടലാസുപൂക്കൾ, പനമരങ്ങൾ.
ഏതോ ഒരു പൂന്തോപ്പിലുണരുമൊരു പോർച്ചുഗീസ് ഗാനത്തിന്നീണത്തിൽ
ഉറങ്ങിപ്പോയ കാറ്റുകളിൽ നഷ്ടമായും അവയെ മറന്നും
വിണ്ണിന്നുയരങ്ങളിലെ അനന്തനീലിമയിൽ ഒരു ശാന്തമേഘം അലയുന്നു.
Bu şiiri puanla
Henüz puan verilmemiş