Âgâz-ı Gazeliyyât 19

‘Ârız-ı yârun degüldür hâli tenhâ dil-firîb Şûhlukda birbirinden cümle a‘zâ dil-firîb Sâdedür bâg-ı mahabbet sebze-i bîgâneden Gülbün ü hâr u has u pinhân u peydâ dil-firîb Birbirine kec-nigâh eyler hasedden çeşm ü dil Olalı ol nergis-i câdû-yı şehlâ dil-firîb Yârdan agyâr ayırmak yâ ne mümkündür bizi Olmuş iken renciş u sulh u müdârâ dil-firîb Gûyiyâ bir deste-i güldür zemîn u âsmân Ol kadar oldı tecellâsıyla dünyâ dil-firîb Bir karîbi çok perî Âgâh oldı rû-nümâ Ol sebebden bu gazel oldı ser-â-pâ dil-firîb