Âgâz-ı Gazeliyyât 190
A Agah
0
Altın Yaprak
Gönülde sûziş-i dâg-ı ebed ne müşkil imiş
Siyeh sitâregî-i baht-ı bed ne müşkil imiş
Hırâş-ı hâtır olur hâsılı nigînâsâ
Zamâne defterine nâmzed ne müşkil imiş
Hezâr çeşm-i hased bahye dûz ‘aybı olur
Kalenderâne libâs-ı nemed ne müşkil imiş
Müdâm ‘ârız-ı pür-hâl-i yâra hayrânum
Şümâr-ı kevkebe zabt-ı ‘aded ne müşkil imiş
‘Aceb mi tıfl-ı sirişk olsa surh-rû Âgâh
Girân tabânçegî-i dest-i red ne müşkil imiş
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş