Âgâz-ı Gazeliyyât 252
A Agah
0
Altın Yaprak
Dâg-ı dilümi mihr-i dırahşâna degişmem
Çeşm-i terümi çeşme-i hayvâna degişmem
Ya‘kûb-ı hazîn Yûsufı da üste virürse
Gamhânemi ben külbe-i ahzâna degişmem
Rindân ile hem-bezm olalı meykedelerde
Hum gûşesini taht-ı Süleymâna degişmem
Bin kere bahâr ile hazân gelse çemende
Zevk-ı leb-i hâmûşumı efgâna degişmem
Âyîne-sıfat sâde-nümâ nazmumı Âgâh
Rengînî-i mecmû‘a-i yârâna degişmem
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş