Âgâz-ı Gazeliyyât 253
A Agah
0
Altın Yaprak
Dil-i pür-sûz ile bî-sabr u karâr-ı ‘aşkam
Hânmân sûhte-i tâb-ı şerâr-ı ‘aşkam
Eşk-i gülgûn u ruh-ı zerd güvâhumdur kim
Perveriş yâfte-i bâg u bahâr-ı ‘aşkam
Halka-i ka‘be bana vahşet-i dâm-âver iken
Şimdi bî-zahmet-i sayyâd-ı şikâr-ı ‘aşkam
Bir zamân gerçi hazef-pâre-i bî-kıymet idüm
Gevher-i mu‘teberüm tâ ki nisâr-ı ‘aşkam
Dest-i himmet ile ger itse ser-efrâz beni
Yine Âgâh-sıfat hâk-i diyâr-ı ‘aşkam
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş