Âgâz-ı Gazeliyyât 254
A Agah
0
Altın Yaprak
Seher ki dildeki sûz-ı nihân fâş itdüm
Bir âh ile nefes-i subhı şu‘le-pâş itdüm
Bu kârhânede bî-kayd-ı atlas u dîbâ
Hemân müşâhede-i hüsn-i hoş-kumâş itdüm
Ezel ki kısmet-i erbâb-ı ‘işret eylediler
Nevâle-i gam u laht-ı dile telâş itdüm
Görünmez olsa n’ola şermden ruh-ı ümmîd
Ki nîş-i nâhun-ı hırmân ile hırâş itdüm
‘Aceb mi hâme-i Âgâh olursa şûh-rakam
Ki tîg-ı ebrû-yı hûbân ile tırâş itdüm
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş