Âgâz-ı Gazeliyyât 358
A Agah
0
Altın Yaprak
Sanma bîgâneveşem zâhid-i sâlûs gibi
Mahrem-i deyr-i dilem nâle-i nâkûs gibi
Gerçi sevdâ-zede-i çeşm-i bütânam ammâ
Râzdân-ı nigehem gamze-i câsûs gibi
Virmişem âh-ı girîbân-ı dili bir büte kim
Günde bin pâre ider perde-i nâmûs gibi
Girye-i şebneme âmâdeligin fehm idenün
Hande-i gonçe gelür gûşuna efsûs gibi
Çok zamândur ki dile tîr-i cefâsı gelmez
Bizden Âgâh o perîvâr ise me’yûs gibi
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş