Âgâz-ı Gazeliyyât 359
A Agah
0
Altın Yaprak
Meger ki cilve-i kaddün hayâlden geçdi
Ki mevc-i seyl-i sirişk i‘tidâlden geçdi
Helâk neşve-i cân-bahş-ı bâde-i la‘lün
Tebessüm itdi vü câm hilâlden geçdi
O âfetün ruh-ı hûy-gerdesi letâfetde
Hezâr mertebe sahbâ-yı âlden geçdi
Misâl-i âyîne ser-çeşme-i tecelli olur
O dil ki vesvese-i hatt u hâlden geçdi
O mehle vuslat olurdı ne hâl ise Âgâh
İrişdi ceyş-i hat u hâl hâlden geçdi
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş