Âgâz-ı Gazeliyyât 360
A Agah
0
Altın Yaprak
Virür dimâg-ı dile zevk-ı ‘ayş-ı gam şimdi
O meh ne çâre bulur bâ’is-i elem şimdi
Kemend-i câzibe-i nâz u şîvedür derkâr
Ne kayd-ı kâkül ü ne zülf-i ham-be-ham şimdi
Ten oldı ferş-i rehün cân gubâr-ı cilvegehün
Tedârükün nedür ey şûh-ı pür-sitem şimdi
Hirâs-ı gamze-i hûn-rîz ü nâvek-i müjeden
Yanumda ayrılamaz dilde bir kadem şimdi
Sezâdur eylese Âgâh dehre istignâ
Ki ceyb-i himmet-i hâtemde yok direm şimdi
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş