Âgâz-ı Gazeliyyât 36
A Agah
0
Altın Yaprak
Dil giriftâr olıcak zülf-i siyehfâm ne kayd
Murg-i bî-bâl u perüm keşmekeş-i dâm ne kayd
Sen ü ‘ıyş u tarab u bezm-i harîfân ey şûh
Ben ki âşüfte dimâgum heves-i kâm ne kayd
Mürşid-i ehl-i harâbât yeter pîr-i mugân
Hıdmet-i Berhemen ü secde-i esnâm ne kayd
Dil ki câm-ı Cem idi oldı şikeste sâkî
Bana şimdengirü fikr-i mey-i gülfâm ne kayd
Tutalum halk ile Âgâh müdârâ mümkün
Yâ cefâ-yı felek ü mihnet-i eyyâm ne kayd
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş