Çün Süñügüm Çüriyiben Gerd Ola
A
Ahmedi
0
Altın Yaprak
Çün süñügüm çüriyiben gerd ola
Işkuñ odından içümde derd ola
Ben yoluñda varlıgumı virmişem
Her ki âşıkdur gerek cömerd ola
Derdüni aldum virüben cân bahâ
Her ki derdi yoh anuñ na-merd ola
Her ki âşıkdur gerek bencileyin
Başları gül-gûn u yüzi zerd ola
Çün fenâdur ışk pes âşık gerek
Kamu varlıgdan ki vardur ferd ola
Âşık ol kim oda yahsa anı habîb
Od anuñ cânına bâg u verd ola
Ahmedî terk eyle yâra cânı kim
Işk u cân sevmek be-gâyet serd ola
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş