Gamzen Gönüle Belâdur İy Dost
A
Ahmedi
0
Altın Yaprak
Gamzeñ göñüle belâdur iy dost
Cân zülfüñe mübtelâdur iy dost
Cevrüñ baña hoş vefâdur iy yâr
Derdüñ baña gey devâdur iy dost
Baglandı gönül saçuña ki ol bâg
Cân diledügi hevâdur iy dost
Gözlerüme nûr-ı ruşinâyı
Senden nazar-ı safâdur iy dost
Sen dürr-içün uş gözüm çü gavvâs
Deryâda hoş âşinâdur iy dost
Ne cevr ider-iseñ it baña kim
Binüm saña uş duâdur iy dost
Yüzüñ güline gör Ahmedîyi
Ne bülbül-i hoş-nüvâdur iy dost
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş