Hicranun-ıla Âteşî Oldı Bugün Mizâc

Hicranuñ-ıla âteşî oldı bugün mizâc Lutf-ıla vasluñ ide bu derde megr ilâc Cân-ıla tende mümtezic oldı mahabbetüñ Şol resme kim ide şeker ü şîr imtizâc Rûşen göz ol ki ola aña yoluñ tozı cilâ Devletlü baş ki ide ayaguñ topragını tâc Nesh itdi hüsnüñ âyeti Yûsuf cemalini Rûşen-durur güneş görinicek n’olur sirâc Zulm-ıla dahı neyleye göñlüme gözlerüñ Kimdür ki aldı ya ala vîrâneden harâc Gitdi yoluñda akl u göñül kaldı bir nefes Bismi’llah aña dahı eger varsa ihtiyâc Kopmadı Ahmedî bigi bir mürg-ı hoş-nüvâ Terkîb olalı bu kafes-i âbnûs u âc