Şâd Ol Göñül Ki Girü Alâ-ragm-ı Rûzigâr

1 Şâd ol göñül ki girü alâ-ragm-ı rûzigâr Mansûr oldı râyet-i sultân-ı kâm-kâr Dârâ-yı mülk ü baht u Ferîdûn-ı tâc u taht Sâlâr-ı ins ü cinn ü Süleymân-ı rûzigâr Kutb-ı medâr-ı millet ü şâh-ı felek-penâh Mihr-i sipihr-i devlet ü şîr-i adû-şikâr Çimşîd-i çetr-güster ü Behrâm-ı saf-şiken Hûrşiœ-i ñur-ı mevhibet ü zıll-ı Kirdigâr Sultân-ı bahr-ı tab u şehin-şâh-ı kân-yesâr Ki_itdi âferîn vücûdına Cân-âferîœ-i kâr Bî-revnak-ıdı andan ırak kâr u bâr-ı mülk Uş makdeminde oldı girü hûb çün nigâr Âlemde zulmet-i zulm uş girü nihân Olalı adliñüñ güneşi subh-ı âşikâr Zikri-durur göñüllere hem feth ü hem fütûh Şöyle ki şükr-i medhidür ârâm u revh-i rûh 2 Gitdi_ol ki cevrden günümüz tîre-reng-idi Âyînesi hayâtumuzuñ tolu jeg-idi Teng-idi göñlümüz nitekim gonca gussadan Yaşı ki_akar-ıdı gözümüñ lâle-reng-idi Minnet Haka ki dutdı adem yolın ol zemân Kim bizüm-ile mihr ü sipihr işi ceng-idi Ol havf gitdi kim kader-endâz-ı kavs-i çarh Sehm-ile bize atdugı tîr-i haœeng-idi Çünkim kaderlemişdi kazâ ohını felek Bî-vüsat-i kazâ bize yiryüzi teng-idi Sınmış-ıdı göñüllerümüz şîşesi ki çarh Atdugı âb-gîneye peyveste seng-idi Şâœîlıg-ıla ney bigi hoş-demdür ol göñül Kim gam keş-â-keşinde sanayduñ ki çeng-idi Minnet Haka baht-ıla tahtına geldi şâh Başına kodı lâle bigi lalden külâh 3 Lutfuñ revâyihi dil ü câna eser kılur Şöyle ki goncada dem-i bâd-ı seher kılur Şîr-âb ü sebz-sebze bigi oldı kılıcuñ Kim yüregini düşmeninüñ âb-hWâr kılur Nergis kenîzek oldı serâ-perdeñe meger Kim mihr terbiyet-ile_anı tâc-ver kılur Her subh gün kapuñda yüzini yire sürer Ki_atun tozın kevakibe kuhl-ı basar kılur Destân-ı Zâl u Sâm nedür kim şecâatüñ Bunı fisâne_ider anı yalan semer kılur Sini cemâl-i âyînesini düzetdi Hak Lâ-büd inâyeti-y-le saña hoş-nazar kılur Bende rızâ yog-ıdı ki senden cüœâ düşem Nâ-çâr ol işe ki kazâ vü kader kılur Cânından ayru düşmege ten vire mi rızâ Ola mı ihtiyârı-la mâhî sudan cüœâ 4 Olmaya mâh u mihrde bu câh u bu celâl Hem encüm ü sipihrde bu izz ü bu makal Lutfuñ şemâyili-y-le müferrih olur cenüb Hulkuñ revâyıhı-y-la mürevvih olur şemâl Tâ Hâtim-ile Cevne kerem ehli her ki var Senden gerek taallüm ide bahşîş ü nevâl Der-hâl mahv olur u irişür icâbete Afvuñla her günâh u atâñ-ıla her süvâl Ger âfitâba fahr ider-ise olur revâ Naline beñzedügi-y-içün atuñuñ hilâl Hasmûn rebâb bigi iñilerse ne aceb Kim çeng bigi kahruñ aña virdi gûşmâl Her kim hayâl ide ki bula saña nazîr Düşde dahı muhâl ola saña bu hayâl Saña misâl yazmadı bir nakş lem-yezel Baş cân bigi kimesne bulamaz sanâ bedel 5 Buldı şehâ duân-ıla ervâh intiaş Şol resme kim senâñ-ıla eşbâh intikâş Amâr kâtibi kazıyup yuydı hasmuñuñ Levh-i hayâtdan adını dutup kalem-tirâş Gül bigi tâ urınmag-ıçun başa düşmenüñ Yildi virince lâle bigi yile tâc u baş Gerçi ki gonca bigi dürüşdi ki baş ola Baş olmadı vü lâle bigi çıhdı_içinde baş Teb-lerze saldı güneşe rumhuñ mahâfeti Aña alâmet uş yerekân-ıla irtiâş Ne râz ola felekde ki bilmeseydin anı Esrâr-ı gayb göñlüñe çün gün bigi_oldı fâş Mazûrdur eger saña öykündi-se adû N’ola eger diye hezeyân sâhib-i firâş Şükrüñ ne dilde ki_idi-le tolar dehân şeker Zikrüñ ne vakt ki eydile döker zübân güher 6 İy menba-ı saâdet ü iy matla-ı kerem V’iy masna-i maarif ü iy meşra-ı niam Düşmen huzûrı itdi zuhûruñ senüñ nihân Çün nûr irişe mahv olur sâye-i zılem Kulluguña rükû u sücûd ide hâk ü çarh Bu ser-figende düşdi vü oldı püşt-ham Adlüñ hümâyi sâye salalı memâlike Ankâ bigi_oldı Kâf-ı ademde nihân-sitem Her kim penâh ide kapuñı olmaya tebâh Lutfuna_emel dutana cihânda_irmeye elem Hulkuñ şemâmesi-y-le revân-bahş olur şemâl Kimde_ola bu şemâyil ü lutf-ıla şiyem Mansûr eylesün alemüñi cihânda Hak Ki_adûn sehâ vü ilm-ile âlemdedür alem Saña gerek duâ vü senâ her sabâh u şâm Kim sıyt-ı adlüñüñ toludur milk-i Mısr u Şâm 7 İtdi şehâ cenâbuñı Hakk âleme me’âb Kim emm-ile emân toludur bu yüce cenâb Sîr-âb olam diyü kılıcuña düşer senüñ Hasmuñ ki her şerâb olupdur aña serâb Hasmuñ ki bûmdur yiri oldı harâbeler Uysa hümây dahı yiri anuñ ola harâb İhlâs-ıla_Ahmedî saña ider duâ ki Hak İtsün salâh-ı âlem-içün anı müstecâb Niçe ki beñzedile ekârib ekaribe Olsun rikâb-ı hasm kılıcuñuzu kırâb Peykânı ohuñuñ ki deler kûh-ı âheni Salsun hasûd cânına sindük bigi_ıztırâb Her iş ki dutasın aña yol bulmasun hatâ Her rây ü fikr ki_idesin olsun kamu savâb Niçe ki döne çarh u ide seyr mâh u mihr İtsün saña Hak emr-ile gerdân sipihir ü mihr