La canefora occitana
A Antonin Perbosc
0
Altın Yaprak
Lo pacan, ajasat dins lo lèch de pibol
Qu’à sos quatre cornets a’n ome per pecol,
Dabala un darrier cop la costa ont las claupèires
Se calfan, sul pelenc, al bon solel de Mai,
Dabala pel camin que lo mena ont sos rèires,
Un quora l’autre, van dempèi mila ans e mai.
Tota la parentat e tota l’ostalada
L’accompanhan abal ont, palada à palada,
Sus el s’apilara la galga en orre tap.
O preclara vizion casant tota espaventa!
Al endabant del mort, una micha sul cap,
Camina, front seren, una fresca joventa.
Metnin kaynağı: Kamu malı arşiv
Bu şiiri puanla
Henüz puan verilmemiş