Dîvân-ı İlâhîyât 174
A
Aziz Mahmud Hüdayi
0
Altın Yaprak
Âfiyetler câm-ı aşkı nûş eden âşıklara
Vuslat-ı ma'şûk erzânîdir ol sâdıklara
Terk edip en'iyyeti nefy eyle isneyniyyeti
Vahdet-i zâtiyyedir lâyık olan fâyıklara
Hîç berâber ola mı a'mâ ulü'l-ebsâr ile
Kande benzer gaflet ehli kalbi uyanıklara
Sâlike fazlınla dâ'im eyle tevfîkin refîk
Sen inâyet eyle yâ Rab vaslına lâyıklara
Enbiyâ vü evliyâ lutfunla olmuş sâbikûn
Sen Hüdâyî kulunu zamm eyle ol sâbıklara
Rahmetin sebkıle bulmuşdur kemâli sâbikûn
Bu Hüdayi bendeni ilhâk et ol sâbıklara
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş