Dîvân-ı İlâhîyât 195
A
Aziz Mahmud Hüdayi
0
Altın Yaprak
Bizi insân edüben eyledi ehl-i islâm
Hâlik'ın ni'metine hamd ü senâ eyleyelim
Kâlıba sıhhat ü hem kalbe safâ verdi tamâm
Hâlik'ın lutfuna gel hamd ü senâ eyleyelim
Olup eşcâr kalem olsa mürekkeb ummân
Lutfunun binde birin yazmağa yokdur imkân
Aczden gayrı neye kâdir olurmuş insân
Hâlik'ın ni'metine hamd ü senâ eyleyelim
Lutf u ihsânına gâyet mi var ey Hayy ü Kadîm
Yine rahmetle nazar et bize ey Rabb-ı Kerîm
Bu Hüdâyî kuluna eyledin ihsân-ı azîm
Hâlik'ın lutfuna gel hamd ü senâ eyleyelim
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş