Dîvân-ı İlâhîyât 24

Nûr ile doldu yine kevn ü mekân Geldi hoş lutf ile şehr-i ramazân Zeyn olup açıldı ebvâb-ı cinân Geldi hoş lutf ile şehr-i ramazân Anda Kur'ân-ı azîm etdi nüzûl Şehr-i ümmet buyurur ana Resûl Tâlib-i Hakk'a nasîb ola vusûl Geldi hoş lutf ile şehr-i ramazân Zikr ü tehlîli vü tesbîhi güzel Hem namâzı vü terâvîhi güzel Zav'-i kandîl ü mesâbîhi güzel Geldi hoş lutf ile şehr-i ramazân Şer'-i pâki başa hoş tâc edelim Sünnet-i Ahmed'i minhâc edelim Âlem-i ma'nâya mi'râc edelim Geldi hoş lutf ile şehr-i ramazân Mâsivâ hubbun aradan süregör Zât-ı bî-çûne Hüdâyî eregör Bezm-i vahdetde safâlar süregör Geldi lutf ile mübârek ramazân