Yaşumuz Dökmege Ol
B
Bakî
0
Altın Yaprak
Yaşumuz dökmege ol dürr-i ‘Adendür bâ’is
Göñlümüz düşmege ol çâh-ı zekandur bâ’is
Turra-i tâli’umuñ böyle perîşanlıgına
Yine ol zülf-i pür-âşûb u fitendür bâ’is
Sünbülüñ niyyetidür başuma sevdâ getüren
Çekdügüm mihnete göñlümde bitendür bâ’is
Rûh-ı pâk ol yirüñ eflâk ola mânend-i Mesîh
Kalmaga hâk-i mezelletde bu tendür bâ’is
Kafes-i gamda yatur tûti-i tab’-ı Bâkî
Çekdügi kahra anuñ lutf-ı suhandur bâ’is
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş