Yüzüñ Şems-i Duhâ

Yüzüñ şems-i duhâ rûz-ı visâlüñ ‘Îd-i Edhâdur Cemâlüñden müzeyyen her taraf ‘âlem temâşâdur Haremden na’ re-i Lebbeyke Lebbeyk irdi eflâke Ser-i kûyuñda gûyâ nâle-i ‘uşşâk-ı şeydâdur Göñül hâk-i harîm-i âsitânuñ ârzû eyler Derûn-ı dilde niyyet âb-ı Zemzemden musaffâdur Cenâb-ı Hazrete yüz tut kim oldur kıble-i ‘ârif Sücûduñdan garaz zîrâ rızâ-yı Rabb-i a’lâdur İrişsün Ka’be-i kûy-ı rızâña tek dil-i Bâkî Harîm-i hürmetüñ kurbında kurbân ile irzâdur Murâduñ Hân Murâduñ himmetinden kıl recâ ey dil Kim ol sultân-ı sûret pâdişâh-ı mülk-i ma’nâdur