କେନ ପାରବା ଘିନି Who Would Buy
G
Gajanan Mishra
0
Altın Yaprak
ଗୋଟିଏ କୋସଲି ଶିଶୁ କବିତା;
ନଡିଆଗଛେ ଝୁଲରେ
ନଡିଆ ଗଛେ ଝୁଲ।
ତାଲଗଛେ ଫୁଲରେ
ତାଲଗଛେ ଫୁଲ।
ଆଇସାନି ଇତାର ମୁଲରେ
ଇ ବାବୁର ମୁଲ।
ମୁଲ ମୁଲ ହସୁଛେରେ
ହସୁଛେ ଝୁଲମୁଲ।
କଦଲିଗଛ ନାଇଁରେ
କିଆଗଛ ନାଇଁ,
ଜେତେ ଡାକଲେ ଭି
ଆସୁଛେ ନେଇଁ
ଆଭିଆନର ନାନି!
ଆଭିଆନର ନାନିରେ
ଆଭିଆନର ନାନି
ଭୁଜାମୁଠେ ଉଖଡାମୁଠେ
ଦେ ରେ ମୁଠେ ନନି!
ନନି ପାସେ ଅଛେରେ
ପବନ ଆରୁ ପାନି।
ନନି ଦେଖୁଛେ ଦୁରୁ
ଆଭିଆନକେ ଟେକି ନେବା
ବଜବାରକାଜେ ଗିନି।
ତାକ୍ ଧିନାଧିନିରେ
ତାକ୍ ଧିନାଧିନି
ଇ ବାବୁ ଆରୁ ଇ ନନିକେ
କେନ ପାରବା ଘିନିରେ
କେନ ପାରବା ଘିନି!
ତପୋବନ, ଟିଟିଲାଗଡ, ବଲାଙ୍ଗିର
19/10/2019
Bu şiiri puanla
Henüz puan verilmemiş