Rhegii Amoenitates
M Michelangelo Naldi
0
Altın Yaprak
Quid majus oris Italiae ultimis,
Vel invidendum? En Pharos, ubi rapax
Scyllae et Charybdis sistit aestus,
Instat atris fere pictus undis,
Quarumque cursus fluctibus invicem
Arctis in ima parte refrangitur,
Summusque gurges nunc profundum,
Nunc superum repetens hiatum
Terrei carinas. En bipatens plaga
Miranda visu, qua medius liquor
Secernit Aetneos ab almis
Ausoniae uberibus parentis.
Ducunt choreas undique Gratiae
Hoc, quem unus anteit Bosphorus, angulo;
Solesque verni et purus aether
Sidereo radiant colore.
Hic arva florent, longior annua
Hic ridet aestas, mitibus et caput
Praecingit autumnus racemis,
Hinc pluviae, glaciesque iniquae
Procul facessunt. Hic, dum arethusium
Fontem revolvis mente, tibi en nitet
Messana et Ætna, en Fata, solis
In speculis radios reflectens
Metnin kaynağı: Kamu malı arşiv
Bu şiiri puanla
Henüz puan verilmemiş