شمارهٔ ۲۰
ا امیر پازواری
0
Altın Yaprak
یارون پرچ بوینین به انجیله داره
یا سرخه گل غنچویه نو ویهاره
یا غالیه گل گل دشنیه داره
یا مخمله که دوش دره مه خون کاره
هرگه که سری خونه صدای یاره
مه سوته دل غم ره ورنه کناره
مه دل حلقه ره مونه فری کناره
تا دس نزنی حلقه بزار نناره
چن روزه که من دیدار ندیمه یاره
همینه که مه دیده ره خون بواره
یکوار دیگر چیره بوینم یاره
د بال ره گردن بیورم شه خون کاره
دل ترکنه مه گنده پیون اناره
چش برمنه مه وارش پیون ویهاره
زمستون مه چش همیشه بواره
عجب چشمه که بی او تن و سر داره
Bu şiiri puanla
Henüz puan verilmemiş