شمارهٔ ۹ - در ستایش و سوگندیه

قسم خرمه مه جٰان و دل مه دلٰا رٰا به اون قادر فرد بهدون دانا به اون دوکون و قوس محراب عینٰا به اون چشمه ی زمزم آب احیٰا به لوح محفوظ ارنی تقدیر نییوٰا شکل دوجهون صورت پذیرنییوٰا اگر دیدن عکس ته چیر نییوٰا شمس و قمر که چیره پذیر نییوٰا ته وصف ارنیبو شرح و تفسیر نییوٰا به کلک قضٰا خط تقدیر نییوٰا گرته قلم حکم به تقریر نییوٰا یوسف به چه محنت اسیر نییوٰا ته مهر ار دل جمع کثیر نییوٰا در روز جزٰا دفع تقصیر نییوٰا گر جد تو ای شٰاه کبیر نییوٰا مشرق تٰابه مغرب که منیر نییوٰا امیر گنه تٰا شاه کبیر نییوٰا آدم سٰاتن گل به خمیر نییوٰا اگر که دنی هیچکس بی پیر دییوٰا موسیٰ به خدمت کوه طور نشیوا ته چیره نیبو بدر منیر نییوٰا ته چیره نیبو یوسف خجیر نییوٰا شمس و قمرو گردون پیر نییوٰا گل آدم و حوا خمیر نییوٰا