ए'मेन

हिमालयनिफ्राय बोहैदोँ गोगो निजोरा हालि हालि नाफ्रा रंजाबायदोँ गोजौ अखोरांआव जोमै दाखा दाखा बिबारनि महरै समायना उदां अखोरांआव दाउफ्रा बिरबायो मिथिँगानि बिखायाव आदार नायगिरो जिबनि देरसिन मुङा मानसि, बेनिनो आं नायहरदोँ अखोरांखौ- समायना समायना रमायना रमायना आंनि गोरबोआ रंजाखाङो । बोथोर बोथोर थांलाय-फैलाय हर-खोमसि जोँलाय-गोमोरलाय सोरां बिदिन्थानि दैज्लां मेसेँ गोजां आरो गोलोम गुदुं आरो गुसु । आंनि गोरबोआवबो थांलाय-फैलाय रंजानाय-गाबनाय सुखु-दुखु आरो लुबैनाय-आंगायनाय । अबं दङ बिथांखौ साबायखर फाला फाला रान्दोँ बयनोबो दंनायमानि गासिबो बिथांनि आंबो दङ दिनै मिनि मिनि सोमखोर अखोरां नायदावनानै, गोग्लैसोनानै गोदो हेँङा थास'लाइनि बिलाइयाव । थेवबो आं गोजोन जारौ जोँमा हायनारि मिथिँगा आरोबाव जिब जिबिखौ नायनानै ।