जिख्लाबसे लाइजाम: 'रैसुमै'नो 196-246

196 नोँखौ हास्थायना गोजोनो- सिरि सिरि मोजां मोननाया, बावनानै दाथाथोँ गोरबोआ बुंबायो आं अबंखौ- सैथो मोजां मोननाया आंनि। 197 मिथिगौ आंनि गुरै गोरबोआ- मोजां मोनो गावनिबादि, बावगारनाय थाङा रादाबखौ बोहैनाय निजोरा बिलिरो गोरबोआव। 198 रावबो मिथिया, मिथियाखै आंदि नोँखौ बेसेदि- सना सिरि सिरि जिउआव। 199 थारै आं नोँखौ हास्थायो? जेब्लाबो बिखायाव। 200 फै आंनि बिखायाव, खोनासं सना नोँ- मादि बुंनो सानदोँ गोरबोआ सैथो नोँखौ हास्थायनाया। 201 आं नोँखौ मोजां मोनो जेब्लाबो दंसै नोँ गोरबोआव एब्रेना बिखा सिँआव। 202 आं नोँखौ मानो मोजां मोनो? नोँ आंनि मिजिँ आरो जिउ सावगारि गोरबोनि मोदान्नाय। 203 रोजा रोजा सोदोबा बार'नबोयो नोँनिल' बिखानि आं नोँखौ सिरि सिरि। 204 माब्लाबा सोङाखै नोँ- नोँ आंखौ मोजां मोनो? नाथाय सिरियै आं बुंदोँ- मोजां मोनो नोँखौ। 205 आं नोँखौ मोजां मोनो गोरबो गुवार बिखाजोँ, जेब्लाबो मेसेबा मेगना सना खाथियाव फैयो जेब्ला नोँ। 206 जेब्ला नुयो मेगनाव मुहिनाय बाफबो गोरबोआव साजायो सान्ना सना इयुननि। 207 बे सोदोबखौ फोरमायगोन सानसेबा सना खोमायाव, मोजां मोनो नोँखौ जिउयै माहामै गोथारै। 208 गुसु बिलिरब्ला सुदेम बारा नोँखौनो सानो गोरबोआ, गोदो गोदो गोग्लैयो मेगनाव। 209 आं माब्लाबाबो फोरमायाखै नाथाय सोङो गोरबोआव- माब्ला फोरगोन खाबुआव? । 210 आंनि गासैबो नोँनि बावसोमहरो गोथार सानफोराव- नोँजोँ लोगोसे आं- मोजां मोनो नोँखौ। 211 आंनि मिनिनाया नोँनिनो, आंनि दुखुआ? नङा दुखुआ आंनिनो, गासैबो खुसि नोँनि। 212 आं गाबदोँ मानोबा मानोना आं हायाखै फोरमायनो, नोँ सासेल' सना आरोबाव गैया गोरबोआव। 213 गासै आंनि गोरबोआव सोदोब बह्रा मोजां मोन्नाय, नोँ आंनि।नोँ आंनि गासैबो थैआव खारसारनाय। 214 जेब्ला नोँखौ नुयो आं रंजायो गोरबोआव, जेब्ला नोँखौ लोगोमोनो आं मिनिस्लुयो मेगन मोखांआव; हास्थायो आरोबाव गोरोबनो। 215 जुदि नोँ मिथिनो लुबैयो आं फोरमायगोन बुफ्रुनानै- सोदोब गोरबोनि सोदोब सना बे गोरबोआ नोँनि थाखायनो। 216 नोँनि बिलिरनाय आंनि गोरबोआव बुजिबाय आं बिजिरनाय बिखायाव बेनिखायनो मोजां मोनो- सिरि सिरि जिउआव। 217 सानसे सानाब्ला नोँखौ आन्दायबाय आं जोमैयाव, बेनिखायनो रंजायो आं हार्सिँङै नोँखौ लाना गोरबोआव रंजानाय मिनिनाय जिउआव। 218 नोँल' आंनि जिउनि गोरबो बुरखायनाय अनजालि, रैसुमै गोदै सोदोब ओँथिनि। 219 रैसुमै गोदै मोजां मोनगोन जेब्लासिम नोँ बावगारनो फोरमाया, नोँ आंनि जिउ लोगोनि। 220 मोजां मोन्नाया जिउनि घोरोम बेनिखायनो गोथार आंनि- थैनाय नङा नोँखौ हास्थायनाय थागोन रेबगन हांखो बिलाइ। 221 गोथार हास्थायनाय जिउआ मोजां मोन्नाय नोँखौ आंनि। 222 नोँखौ मोजां मोन्नायानो थाबायनो होबाय गोथार लामा थाबायो सानै सानै नोँनि, - रैसुमै बुङो हास्थायनाय। 223 नोँखौ मोजां मोन्नायानो सारफावबाय आंनो सोरां, थाबायो जेब्लाबो नोँनि सोरांसार मुस्रियाव। 224 बे जौमोनाव, आरोबाव बांसिन गोथौनिफ्राय गोथौसिन- हास्थायो जिउ लामायाव नोँनि आंनि।आंबो नोँनि। 225 रैसुमै, नोँनि मिनिस्लु महराव सुजुयो आं खन्थाइ, थागोन सोमखोर मिथिँगायाव रिँबाय थानाय ओँथियाव। 226 आं सोलोँदों खन्थाइ रैसुमै सना नोँनि मुस्रियाव, आं साजायदों खबाम नोँनि माहि आखलाव। 227 मोनसे गोरबो समायनाय नोँ साजायबाय सान्नायखौ गासैबो आंनि मिजिँखौ, रैसुमै बावगारा नोँखौ थागोन सोदोब खन्थाइयाव रिँगोन देँखो मेथाइयाव। 228 नोँनि मुं जेब्लाबो बिखायाव गोबाना लायो खुसियाव साया-माया सना मेगनाव। 229 आं नोँनो फोरमायाखै ओरैबादि सम- जेराव सानैजोँ रावबो गैया, रैसुमै नोँनि आंनि। 230 आंनि गोरबोआ हुब्लिर जायै नोँनि दुंब्रुद सोलेरजोँ, सानहाबो आंनि गुसु गोरबोआ बजबनो नोँखौ बिखायाव। 231 नोँनि अन्नायजोँ गेलेगोन सिउ सिउ गुसु बाराव, फ्रि फ्रि खानाय बिरबायब्ला नायना मिनिस्लुगोन सना मोखांआव। 232 आंनि मोदैखौ हुगारनानै होखारनो हागौ सना नोँ- गोरबोनि सानबायनाय दुखुखौ, लुखुमुरनो हागौ नोँ जोँब्लावनाय अरखौ। 233 नोँनि थाखाय सुजुबाय गोबां समायना समायना खन्थाइ, नोँ फरायना बुजिगोन सना- मादि फोरमायदोँ गोरबोआ। 234 नोँखौ मोजां मोन्नाया गोरोन्थि मिथियाखै आं सान्नानै- सैथो होन्ना फोरमायो गोरबोआ नोँखौ मोजां मोनहाबो। 235 नोँनि गोदै रावखौ बिजिरनो हाया नङा हायो आं, अब्लाबो मोनो हास्थायना जिउआव रंजानाय मोजां मोनो।सैथो बेयो। 236 मोदोमाव आंनि रंजानाय फैयो गोरबोआव आंनि मिनिस्राङो- रैसुमै नोँनि मुस्रियाव नोँनि समायना महर बोनायाव। 237 दाथ' गोसोआ नोँखौनो सानो आंनि नोँखौ नुबायथानायाव, गोमोयो आं।गोमोयो नोँनि मुस्रियाव। 238 जोँब्लाव साजायनाय दखनाजोँ नोँ थाबायो मिनि सोरां, गोरबोआव बिलिरो आंनि- मिनिस्लु नोँनि लाजिनाय। 239 नोँखौ हास्थायो, नोँखौ हास्थायो गोरबो गोथार गोसो लानानै जिउनि रंजानाय लानानै- सना सिरि सिरिबोल'। 240 जिउआव नोँनि मुस्रिया लासिगोन बोजबना जिउआव, फुवा फुवा बोहैनाय सोदोब ओँखारबोयो गोरबोनिफ्राय दौ। 242 नोँनि साथिनाय सोरां मुस्रिया जिउनाङै गोख्रोँ थिनाय, आंनि मोजां मोनना हास्थायनाय गोरबोआव। 243 आंनि जिउआ खहा जालांब्लाबो जालाङा आंनि हास्थायनाया, सैथो मोजां मोननाय गोरबोनि- मोनसे सोदोब हां आंनि नोङो।आंनि। 244 होंगो-दोँगो मेलानि गेजेराव सिनायाखै खोमसियाव मोखांखौ, हास्थायनाय सायख'ना जिउआव लादोँ गोसोआव रैसुमै गारांखौ बोजबनानै। 245 गोबां समाव रायदावो- खालामाखै थगायनाय नंखाय, नोँनि मोखांआव फैयो आरोबाव गिनाय-लाजिनाय सिरि सिरियै मिथिया, सानो आं सिरि सिरि। 246 गोसो रुगुंनि सेर सेर दं आंनि सान्नायनि सुजुनाय खन्थाइयाव, मादि देलायनाय नोँनि सिखोला- मेगनाव नायना साग्लोबो गोमोनाय।