जिख्लाबसे लाइजाम: 'रैसुमै'नो 361-398

R Ronjoy Brahma Ronjoy Brahma
0 Altın Yaprak
361 जाय लामायाव नोँखौ, लोगो मोनबाय आरोबाव आं बावलिया नामा? सोँबाय गावनो गावखौ, रैसुमै आं बावनो हाया। 362 आंनि लामायाव जेन'बा सानैजोँ मोखांजोँ मोखां गोरोबलायनाय, अरायनि, अरायनि, अरायनि बावनो हाया गासैबो मोकथांनि- सावरायनाय मिनिस्लु नोँजोँ आंजोँनि। 363 मिजिँआव जेरैबा हान्थिनाय मोजां मोननाय आंहा बेवनो, नोँखौ- थैस'-थांस' साजायनाय हरै- गोजोन रिउ रिउ मोकथांनि। 364 गोरबोनि जेराव नोङो आंनि बे सान्नायखौ खोमाया जिउआव, मोजां मोनगोन जेब्लाबो थारै- नोँ आंनि।नोँ आंनि। 365 मेँनाय गोग्लैयाखै रैसुमै सना दाखासे बिखायाव मावग्लुंङाखै, नोँ आंनि।नोँ आंनि। 366 नोँनि गोथौ गोरबोआव नागिरना मोनाखै दाबो सना, मेँनाय होन्नाखै दाबो गोरबोआव नागिरो गोथौ, गोथौसिनथाराव- नोँनि मिनिस्लु जोँनाय बिखानि निहोरखौ। 367 मोजां मोननायनि मिलौनाय बिदैयाव गोजोमबायनाय नोँनि गोरबोआव, गोबायो बिखायाव, रैसुमै सना गोरबोआव। 368 गोसोनि गोरबो बिबारा समायसारो नोँनि मिनिनाय सान्दुंजोँ, नोँनि लाजिनायनि सायाजोँ- बावगोमायो नायनानै मोखांआव रैसुमै लुबैयो नायनो आरोबाव नोँनि। 369 आंनि हास्थायनायखौ, अबंनो फोरमायो लाबोथोँ साजायनाय मोखांआव, रैसुमै नोँजोँ आंजोँ लामायाव हुरा हुरा बाराव, गोजोनै- मिनिस्लु-लाजिस्लु फोरमायलायनाय। 370 लुबैनायनि सिमां फारसे बिरलाङो नोँखौ लानानै माब्लाबा, दावलाङो गोरबोआव लैथोजोँ- सिरि मोनो मिनिस्लुनाय नोँनि सोरांआव। 371 जौमोननि लुबैनाया हरनि, आरोबाव हरनि हमथाना फैयो सना सोरांआव, गोरोबनो नोँजोँ आंजोँ हरै- मिजिँनि जोबनाय मारुंआव। 372 गोसोनि हाद्रियाव बिरबायनाय खोमसि महर, मोखांखौ फेलेँआव सुथे सुथे लागोन सोरांआव, रैसुमै फै नोँ मिनिस्लु मिनिस्लु आंनि गोरबो देरायाव रंजाना। 373 लामायाव हार्सिँङै सना नोङो थाया जेब्लाबो मोखां फिदिँनानै, नुयोबोला मोकथांआव; रैसुमै फोरमायगोन आं स्राय सना दान्दिसे समाव लाजिस्लु। 374 मोखांआव नङा गोरबोआव नोँनि सानबायनाय फेलेँनि, सायखं गोग्लैयो सना जोमैनि बिखायाव सार-अन्थाइ आंनि, रैसुमै गाबो दुखुआव दिनै। 375 गोरबोआव मोसाखांनाय बिखायाव नोँखौ लामायाव, मेगनजोँ मेगन थर्स सुगदावनाय रैसुमै सानाव नोँजोँ आंजोँ। 376 सिरि नोँनि सेराव, जेब्लाबो सिरि सानबायनाय दोहौ देहायाव, नोँदि लुबैयो मा आंनि- मिथिथारा आं बिखानि मेगनाव। 377 आंनि गासैबो हाबायाव साया-माया नोँनि मोखांआव, नोँनि गासैबो मुस्रिया नांफैयो गोरबो गोसो जेयाव। 378 दुलाराय मेगन मुलुगआव नोँनि सावगारि मोखांनि, सानबायो गोबानो बिखायाव मिनि खुसि एब्रेना गोरबोआव। 379 नोँनि बोहैनाय मोखांनि मिनिनाया थाबायनाय लामा आंनि मिजिँआव, नोँनि गोदै गारांआ हान्थिनाय होनाय गोसोनि। 380 आंनि गोसो मोदोमाव नोँजोँ गोरोबनाय रुगुंआव रैसुमै नोँ आंनि।नोँ आंनि जोबनाय गैया गोरबोआव। 381 नोँखौ एंगारनानै थाबाया आं माब्लाबाबो खुसियै लामायाव, मेथाइ खनो गोरोबनो- नोँजोँ आंजोँ हरै देरानि। 382 गोबां सान्नायनि लुबैनाय फोरमायनो सानो गावनि गासैबो, नोँनो होनो लुफावना सुहाबनाय गोजोन देराजोँ मोखां फिदिँनो, सान्नानै। 383 लाजिनाय नोँनि मोखांआव मेसेबनाय मेगनाव आंनि, फ्लाम फ्लाम मोदानो गोरबोआव हुरा हुरा बारा बिलिरो; हायाखै फोरमायनो गावनि बाथ्रा गोथौ गोरबो सोदोब ओँथिनि। 384 नोँनो थिनानै दोननाय बिखायाव दं दाखा दाखा गोरबोआव, रैसुमै आंनि गासैबो- होगोन नोँनो समा जाब्ला नोँजोँ आंजोँ लोगो लोगो जिउनि। 385 आं नागिरनानै थाङो नोँनि गोबादोँ आंखौ गावनि बिखायाव, रैसुमै सान्ना हांखोनि फारागखौ नोँजोँ आंजोँ गोरोबनो- गोजोन, गोजोन, गोजोन, गोजोनै सानैजोँ जावलांनो दिङा अरायनि। 386 गोरबोआव लुबैहाबनाय जेबो खालामो उसाव बादाव लामायाव, नोँनि आंनि सानबायनाय खर'आव साया गोग्लैदोँ दिनै जोमैनि। 387 दिनै आरोबाव मोखांनि- नोँनि साया माया लामायाव, रैसुमै थाबायो आं सानबायै सानबायै। 388 सावगारिया नोँनि खनफ्रोमबो थाबायनाय हाथासि बिखायाव, नोँनि आं सानो देरानि- रैसुमै, नोँ आंनि।नोँ आंनि - फेलेँ नङा नोँजोँ आंजोँ। 389 आं नागिरबायो जेब्लाबो मोनगोन- खोमा सानहाबना नोँनि गोरबो बिखा इसिँआव, अननाय मोजां मोननाय बजबना; रैसुमै, गावनिबादि आंगो होन्नायाव जेराव नोँ- आं सानैजोँ। 390 नोँनि फांथेनाय बिखानि अन्नाया बोहैनो खाबुखौ जायाखै, गासैबो खाबुआ नोँनि- जेराव बिलोआ नोँनि आंनि गेजेराव। 391 नोँनि आंनि अन्थाइनि दामोला बुस्रां जायाखै दै दाहारजोँ, दाबो सान्नाय नोँनि फाराग गोरबोआ सिरि लाङाखै गोदान सानस्रि बारजोँ। 392 रैसुमै दिनैबो रोजाबदोँ मेथाइ गोजावलांनाय नोँनि खोमासिम, नोँनि आंनि हरै फैसालिनि- बेवहाय लाजि गैया आंनि गारांआ। 393 आरोबाव साननायखौ गोरबोआव दाखा दाखा जोमैबादि लाथुमलिया, स्राय स्राय नोँनि गोरबोआव सिदोमा लुफावनो हाबिला गोसोआ; रैसुमै, बुगथिङो अब्लाबोदि लाजिनायाव आरोबावदि मिथिँगानि बारा फैगोन समखौ नेथ' हमथानानै। 394 खौरांखौ नोँनि खोमायाव होनानै आरोबाव गोरबोखौ गोरबोआव, गोजोन लाजिस्लु गथायनानै फैगोन सानबायो गोरबोआव; रैसुमै, आंनि रादाबा गेबेँङै नोँ आंनि।नोँ आंनि अरायनि। 395 जेसेबां मागिबाय आं सिखावै बे सिखावआ आरोबाव नागिरो- नोँनि अननाय मोजां मोननाय, हास्थायनाय आरो गोरोबनाय। 396 आंनि सान्नाय, हास्थायनाय ओँखारबोयो नोङो फर्दा बोलाना देलाइस्रि समायना, मोदोमफ्रु सुदेम बाराव। 397 गिनाय नङा मोकथांआव नोँखौ गावनि बुंनाय बिखायाव, नागारनाय नङा हास्थायनो गावनि होनना अराय बोजबनो। 398 नुनाय नङा आंनि मेगनाव नोँनि मोखांआव मैखि खाथेनाय, साजायो गोरबो बिखा सा- सिं अनसायगोन गावनो सान्ना आंगो; लाखोमाया माब्लाबा नोँनि मोखांआव अब्लाबोदि थाखोमायो बिखानि रावआ लाजिनाय बिख्लो गोरबोआव एब्रेना।

Bu şiire çeviri ekle ·

Bu şiiri puanla

Henüz puan verilmemiş

Yıldıza dokunarak 1–10 arası puan ver

Yorumlar

Yorum yapmak için giriş yapmalısın.

Giriş yap

Bu şiire henüz yorum yapılmamış. İlk sen ol.

Sana daha iyi bir okuma deneyimi sunabilmek için sitemizde çerez kullanıyoruz. Kişisel verilerin KVKK ve GDPR kapsamında işlenir; hangi çerezlere izin verdiğini dilediğin zaman değiştirebilirsin.