जिख्लाबसे लाइजाम: 'रैसुमै'नो 320-360

R Ronjoy Brahma Ronjoy Brahma
0 Altın Yaprak
320 मानो आंनि खोमसियाबा फैयो नोँजोँ आंजोँ एरायलायनाय जायो, सेरजोँ थाबायनाय, रावजोँ फोरमायनाय मानो सान्नाया फेलेँ थाङो? 321 नोँ आंनि सेरजोँ थांदोँमोन बबा आंनि खुगाया, मिनिस्लुनाय नोँनि रायदावनाया- मिनि गोदै देँखोआ, आंनि खोमायाव थाथिरामोन। 322 साजायबाय खबाम जेब्ला मेथाइनि गारांसो गैया जाबाय खुगानि, बोदोर जाबाय गासै गोरबोआव- अब्लाबोदि आंनि सिरि थाबाय। 323 मिजिँनि लामायाव, आरोबाव मिजिँआव हास्थायनाय गोरबोआव, नै दिनै मोकथांआव गोग्लैफैयो नोँनि सना बिखायाव; बिलिरनाय देँखो नोँनि माब्लाबाव। 324 आंनि साजायनाय मिजिँआव नोँदि थांगोन नेवसिनानै, जेरैबाबो थावरिया रंजानायाव जोमै साग्लोबबा गोग्लैगोन मोदैया; अब्लाबो थागोन सायखंबादि मुस्रिया। 325 जेरैबादि दं हास्थायनाया बुंनाय नङा मिजिँनि इसिँआ, आंनि गासैबो नागिरनाया थांबाय नोँनिनो दरखंआव। 326 गोसोम जोमैनि गेजेराव गावदां अखाफोरा नुजादोँमोन, थिरिथ थिरिथ गाबनाय हरफोरनि- सिरि जाहाद खोमा होदोँमोन, रैसुमै, बावनो हाया बावनो हाया नोँखौ गोसो खाङो गोरबोआव। 327 बेसेबा नागिरबाय नोँनि गोसोखौदि अब्लाबो मेँग्लियाखै मोकथांआवबोदि, बेसे साजायबाय खबामखौदि अब्लाबो जोबाखै सोदोबादि, फै फै साजायफै गोसोनि बिबारखौ नागिरनाय सोदोबनि रेबगनखौ सैफै। 328 आरोबाव नोङो एरायलाङो खोमसिनि सायख्लुम साजायनानै, गोरबोनि दखरसे सोरांखौ दाबो नुवा नोँदि नागिरनानै। 329 आन्दोनिफ्राय जेब्लाबो फोरमायो खोनानाय गारांजोँ हब्रायोदि- अब्लाबो गुमुरखौ खोमायो? 330 खन्थाइनि फोजोबनायाव नोँबोदि थाबाय थायै दंथारो सायानि, बे बाराव रोजाबगोन नोँनि- गोदान आरो गोदान देँखोबादि। 331 सावगारिनि नांनाय मोखांआव नुयो आंदि मोसाबायनाय खुसिनि, मिनिनानै रायज्लायनाय लोगोआव गाबज्रिहरो गोदै खौऔनि। 332 सोदोबनि सोदोबथिया गोरबोनि मिथिबाय गोरबो बैसोजोँ नोँनि? गैयामोन बिखायाव अननायादि गैयामोन आंनि लाजिनाय मोखांआवदि। 333 गोरबो बिखानि खेँफ्रुनाय रावखौ नोँनि मोकथां साया साजायगोन, आवलिगोन सान्नाय इसिँनि- नोँनि आंनि रुगुंआव गोरोबगोन? 334 मोखां जोँसारनि साया नोँनि जिरायगोन लामानि लाजिस्लुनायजोँ, नोँजोँ आंजोँ मेगनाव जेब्ला। 335 गोसोनि मोब्लिबा मोदैजोँ लामानि हान्थिनाय दैमायाव, नै रैसुमै, दोमैलु जोमै जावबायनाय नोँनि आंनि दिङा गेजेरनि। 336 सना बिख्लोआव सिथाबनाय मिलौहाबनाय नोँनि देँखोआ बिखायाव; आंनि गोरबो सिब्बायाव एब्रेनाय। 337 गैया मेगनाव मोदै नोँनि रानस्राव फैया सोलेरा मोखांआव, रैसुमै लुबैनाय इसिँनि खनायाव; नोँनि देँखोआ आंनिनो फारि। 338 गोग्लैगोन सार-अन्थाइ बिखायाव मिजिँनि लैथो आंनि लामायाव, सिरि मोनगोन बागदावनायाव; जुलिया नोँनि आंजोँ नेवसिनायाव। 339 साजायनाय मन्दिरा इसिँनि सनानि देरा गंसे लैथोनि, रैसुमै हरै नोँजोँ आंजोँ दिङानि। 340 सुज्राय बाफबनाय गेजेराव नोँनि आंनि लामानि? जोबनाय गैया मोदैनि बिखायाव- रैसुमै, नोँनि आंनि दिनैनि। 341 बिखा मावग्लुंङो बिजिरनानै नोँनि आंनि सोमोन्दोनि, नोँ आंनि दांसे लेखा फारागनि- गाबो आं मोकथां आंनि गोरबोआव। 342 नोँखौ मोजां मोन्नाया आंनि दाखासे मैला होखार हायै, सना जालांगोन गोबाथुमनाय गोरबोनि- थैहाबनाय मोकथां दोँसेनि। 343 आंनि गोरबोआ थैथारगोन सानबायनाय दाहारा लामा आन्दायगोन, नोँखौ मोजां मोनो रैसुमै खालिबोल' जिउ आंनि संसार नोँनि। 344 नोँनो होनो गोरबो बिबारा गेवलाङा दाबोनो, थफियैनो- रैसुमै गोमायाखै नाजानाय फेलेँआव। 345 बे जिउनि मिजिँ साजायनाया आबुं जायाखै हास्थायनायनि, गोरबोनि फामि गलाबखौ, मोदैजोँ फोथांगोन रंजानायखौ; सिरि सिरि आंबो बिखानि लुजोँ। 346 गोबां अनसायबाय नोँखौ गावनि सान्नायमानि मोकथां गोरबोआव, थुंगेबोला खन्थाइनि लामाया हब्रागोन मावग्लुंनाय गाबै गाबै। 347 नोँनि खोमायाव बोहैनाय गेबेँ देँखोआ आंनि बाराव, बेखौनो हायाखै दैबायनो मिथिँगायाव गोरान दाबो बिफां-बिलाइ मोखांनि। 348 मैला नङा आंनि हास्थायनाया हाद्रि बिराखै मिजिँआव, हाब्रु जाफैयो सिदोम मोदैयाव रैसुमै हास्थायो जेब्लाबो गोथार गोरबोजोँ। 349 सिमांआव नङा नोँखौ अरायबो लोगो मोन्नाय मोकथांआव सानैजोँ, मुंनि मुस्रियाव आं बावनो हाया देराखौ लुयो गोजोनै- गोरोबनाय सानैजोँ मिजिँआव। 350 बिरलाङो आंनि गोसो बारा बिजिरना फैफिनो खावलाय मोदोमाव, रैसुमै आरोबाव गोथौसिन मुहिनाय आंनि मेँरोङै हाबिला लोगोआव। 351 नोँनि हसारनाय खानाया नोँनि साजायनाय माथाया गोमो गोथां सानबायनाय लामायाव, रैसुमै नोँ आंनि।नोँ आंनि। 352 सिरि सिरि हास्थायनाया मिथिया आं दाबो होनाय अबंनि, नोँनि आंनि खन्थाइया मिथियाखै आं होना लिरनाय सोरजिनि। 353 सोरजिनि थिन्नाय, आंनि हास्थायनाया? अख्रा आं फिसा अबंनि, रैसुमै साजायो गावनि। 354 नै रैसुमै सना आंनि गोरबो, गोसो, बिखा गोरोबनायनि, बे मोकथां दोँसे लामायाव नोँजोँ आंजोँ थाबायनाय जरानि। 355 नोँनि गोरबोआव दं आं जेब्लाबो सिरि सिरि एब्रेनानै, गासिबो हेँथा जोब्बायोब्ला फोरमायगोन सना आं खोमायाव। 356 आसुसु गावदां महर नोँनिया आंनि मोखांआव, फारसे जानानै, - लाजियो नोँ लाजियो आंनि गासैबो सानफोराव नुबायनानै। 357 नोँनि मुंखौ बोजबनानै मोनबाय गोजोन्नायखौ सानबायनानै- रैसुमै गोरबोनि रावआ आंनि- नोँ आंनि।नोँ आंनि। 358 थांबाय आं खाथियाव नोँनि जेब्लाबो सानबायै सानबायै- गैया गैया हायाखै नोँनि आंनि फोरमायनो मिजिँनि। 359 आंनि गोरबोआ नोँनि बिखायाव दै बाज्रुमना गोग्लैदोँमोन मोखांआव, नोँनि मोखांनि मिनिनाय मेगनाव मुहिनाय आंनि दिनै मोकथांआव; हास्थायदोँ नोँखौ सिरि सिरि आरोबाव। 360 लामानि मिनिस्लुनाय सावगारिया रैसुमै नोँजोँ आंजोँ, लोगोआ नोँनि खाथियाव गैया जायाखै राहाया सानैजोँ, गोसो गोरबो गोरोबनाया।

Bu şiire çeviri ekle ·

Bu şiiri puanla

Henüz puan verilmemiş

Yıldıza dokunarak 1–10 arası puan ver

Yorumlar

Yorum yapmak için giriş yapmalısın.

Giriş yap

Bu şiire henüz yorum yapılmamış. İlk sen ol.

Sana daha iyi bir okuma deneyimi sunabilmek için sitemizde çerez kullanıyoruz. Kişisel verilerin KVKK ve GDPR kapsamında işlenir; hangi çerezlere izin verdiğini dilediğin zaman değiştirebilirsin.