जिख्लाबसे लाइजाम: 'रैसुमै'नो 436-475

R Ronjoy Brahma Ronjoy Brahma
0 Altın Yaprak
436 नोँखौ साननानै मिथिँगायाव बिरलाङो गोजोन गोसोनि, गोथार गोरबोनि गुफुर दाउथुआ सानबायो, नोँ आंनि।अरायनि। 437 सानबायनायनि जोबथा खन्थाइयाव, थाबायनायनि रुगुं बिलिरनाय सोर अनजालि आंनि सिमांआव; रैसुमै नोँ आंनि।हां मोनसेनि। 438 गोरबोआव आन्दायनाय फैयोब्ला नोँनि सान्नाय आंनि फेलेँआ, गाबगोन आं खोमसियाव, रैसुमै बावा गोथार बोजबनाय बिखायाव। 439 गोरबोआव सानो जेब्लाबो खन्थाइ लिरनाय नोँनो आंनि, रैसुमै सना फोरमायनाय जिउनि संसार मोनसे सानैजोँ गोजोनै। 440 नोँनि आंनि गोरोबनायनि सिं सिं मोन्दांथि आन्दोआव, थांलाय-फैलाय खालामो आंनि- रैसुमै, सान्नाय फोरमायनो गासै गोसोनि। 441 जोथोनै लाखिनाय दिनैबो आंनि हास्थायनाय नोँखौ बोजबनो हाबिला, दं गोरबो बिखा खंख्लायाव नोँ होनाय अन्नाय, मोनाखै आंदि। 442 नोँनि खाथियाव साफिया आंदि दाबो फोरमायनो रावा फैया, रैसुमै सिरि सिरि। 443 थाङो जेब्ला गोसोआ खाथियाव सिरि सिरि थाखोमायो, लाजियो मोखांआव, रावा सोलायो- जेबोला मागियो अन्नायखौ, रैसुमै, बबा आंदि सिरि सिरि। 444 गोबां गोबां लोगोआव थाबायो लोगो लोगो खुसियाव, रैसुमै, आन्दोआव आं हास्थायो- गोरोबनो सानैजोँ बिखायाव। 445 आरोबाव हालिया फोरमायनो? नोँनि आंनि गान्थि खानो? रैसुमै नोँ फैया मानो सोँनायाव, आंदि आरो सिरि सिरि। 446 नोँजोँ आंजोँ लोगो मोनब्ला नोँबो आंबो मिनियो, लाजिनाया नोँनि बांसिन रायदावनाया मिनिस्लु खौरांनि, रैसुमै मिथियो गोसोआव, नोँनि गोरबोआ? गोबां सिरि सिरि आंदि नोँखौ। 447 गोसोनि साजायनायजोँ बोजबना नोँ हिनजाव गोदान आंनि, हास्थायो सिरि सिरि सिरि बिखायाव लाना थांना थायो। 448 नोँनि खाफालाव गोजा सिन्दुरा मिनिस्लु मिनिनाया आंनि, रैसुमै, संसारनि गोजोन्नाया नोँनि- गासैबो मिनिस्लु नोँनि आंनि। 449 थायो जेब्ला आं लामायाव रैसुमै गासैबो खौरां नोँनि- फैयो फैयो गोरबोआव, सिउ सिउ गोथां बारआव। 450 गोसोआ नोँ फैयो अब्लाबो नोङो मेगनाव फैया, खोमायाव रैसुमै नोँनि गारांआ गोरबोआव, नोँनि गावदां महरा। 451 सोर होफैयो आंनो गोरबोआव मोदैखौ, गाब्रुं मोखांङै सास्रि सास्रियै- साया जोमैनि बिबार रैसुमै, आंनि मोखांआव। 452 गोरबोआव गोदान बोसोरनि रादाब नोँनि थाखाय मिथिँगानि बार, बाद्दिँग्लायो सना गोसोआ रंजायो नोँनि सान्ना खुसियाव। 453 नोँनि मेगन गोरबोआव आंदि गेलेयाखै दुष्टयै रैसुमै मिथिगौ थारैनो नोँ। 454 गोसोनि नोँनो साया आंनि लोगोरि नोँदि जिउनि, रैसुमै जिउ दिनै गोसोनि। 455 मा मिजिँआव नोँ थाबायदोँ बबे लामायाव आगानादि- रैसुमै आंनि बिखायाव मोदैजोँ बावादि सना सान्नाय नोँनिनो। 456 देलाय-मालाय साजायो जेब्ला गावनि महर सोलेरखौ नोँ- बोयो सना नोँनि मुस्रिया आंखौ सानहोयो बिखायाव गावनिथारबादि; रैसुमै नोँ आंनि।नोँ आंनि। 457 गावखौनो सानो बोखारनो बिखायाव हार्सिँ हार्सिँ सान्नायाव, लामायाव नोँखौ नुयोबोला साननो होयो गोरबोआव आंनि- सना खावलायनि मिनिस्लुनाय दिमपला। 458 आंनि हास्थायनाय मिजिँजोँ आंनि सान्नाय लामाजोँ आंनि जिउआ गोथौ जादोँ, आंनि आगाना जिरि जिरि मोदैजोँ खारदोँ रैसुमै नोँखौनो सानबायै हास्थायदोँ। 459 गोरबोनि हास्थायनायखौ फिसिदोँ जिउनि मिजिँखौ जोथोनै- सना सान्ना खेबसे मोकथांनि लुदोँ देरा नोँजोँनि। 460 नोँनि मुस्रिनि समायनाया नोँनि मोदान्नाय मेगनाव सावगारिया नोँनि लाजिनाय रैसुमै; नोँनि मिनिस्लुनाय मोखांनि आरोबाव गोदै रायदावनाय नोँनि। 461 सान्नायमानि गोरबोनि आंनि लाखोमानाय जाबाय अन्नाय बिखानि, गासैबो बेँङाखै खुगायाव आंनि फोरमायनांगौ नोँनो आंनि मिजिँनि। 462 नोँजोँ आंजोँ फैगोन गोजोन्नाय बेनिनो मिजिँजोँ नोँखौ हास्थायनाय, नोँनि बिखानि अन्नाय आजावनो सिबिनाय मेगननि गंसे देरायाव, फैगौ फैगौ सानबायो दिनैबोदि। 463 नोँनि जेबो सानलिया गोरोबनो बे नङा आंनि फोरमायनाय, गासिबो लुबैनाय दंमानि जिउआव थाबथाना थाबाय गुबुं जेयाव बे नङा आंनि गोसो मेगननि, रैसुमै, नोँ आंनि।नोँ आंनि। 464 ज्रय सिरिलांगोन बिखासे अन्नाया अब्लासो आं मिथिगोन- नंखाय नङा नोँनि मेहेरनाया, नाथाय सैथोबादि सैथो आंनि। 465 सान्नानै हास्थायनाय थैस' थांस' मुस्रि नोँनि, मुं नोँनि- रैसुमै हास्थायनाय आबुं थुलुंगा मिजिँनि लामा नोँनि गारांआ। 466 नोँनि अनगा रावबो गैया साया साइख्लुम देरानि, सानो जिउआव मोदै फालि नोँनो- आंनि लोगोनि जिउ बैथानि। 467 आंनि दुखुआ, आंनि गाबनाया नोँनि सानबायनाय रैसुमै- मोदै फसरनाय सोरजिनि आथिँआव, बियो, गावनि जिउनि होन्नानै; रैसुमै नोँ आंनि।नोँ आंनि अबंनि दरखंआ बिबायो। 468 गोसो बावनानै खुलुमो जोँमाखौ गुसु सुदेम निहोर फुंआव, बावगारा रैसुमै नोँखौ बिखायाव नोँखौ हास्थायो अबंनि सेराव। 469 बेसेबांदि नागिरो नोँनि मिनिनाय मेँग्लिनाय जायाखै जेबो बिखायाव, लामायाव मोनो नोँनि रायदावनाय रैसुमै सना नोँनि फिन्नाय- गोदै मिनिस्लु लाजिनाय। 470 गाबनो गोसोआव फैयो आंहा रैसुमै जागोन जाया जुलिनि सान्नानै- नै रैसुमै फै फै आंनि बिखायाव - मादि बुंदोँ अन्नायाव खोनानाय नङा गोजानाव। 472 रैसुमै, नोँनि गोरोबनाय जागोन - आंजोँ आरो माब्ला, रंजानाय जागोन खुसियाव अब्ला नोँनि अन्नायखौ देरायाव बिखासे मोनगोन। 472 आंनि मोदै हुगारै हुगारै आंनो जिउआव लोरबां मेँग्लिब्ला - फै नोङो खनसे मेगनाव बेखौल' बुंगोन फेलेँआव बिरब्ला। 473 आंनि अन्नाया नोँनि नंखाय जाब्ला हो आंनो मिनिनायखौ, गासैबो सानाव फेलेँ थांब्ला अरायनि हो जिउ बावगारनायखौ; रैसुमै नोँल' नोँल' नोँल'। 474 नोँनि रादाब, नोँनि सावगारि रैसुमै गारां, सना आंनो- सुजुयो माला बुथुमै बुथुमै, देँखो बोयो खन्थाइ लिरो। 475 जागोन नोँनि मोदै बे नङा सना आंनि लुबैनाय, थागोन नोँनि लुबैना बे साना गोसोनि देरा; रैसुमै फोजोन लुबैनाय साया जिउनि।

Bu şiire çeviri ekle ·

Bu şiiri puanla

Henüz puan verilmemiş

Yıldıza dokunarak 1–10 arası puan ver

Yorumlar

Yorum yapmak için giriş yapmalısın.

Giriş yap

Bu şiire henüz yorum yapılmamış. İlk sen ol.

Sana daha iyi bir okuma deneyimi sunabilmek için sitemizde çerez kullanıyoruz. Kişisel verilerin KVKK ve GDPR kapsamında işlenir; hangi çerezlere izin verdiğini dilediğin zaman değiştirebilirsin.